گەننادي گولوۆكين ا ق ش-قا كوشۋ تۋرالى ايتىپ بەردى
Sportbox.ru پورتالىنا بەرگەن سۇحباتىندا گەننادي گولوۆكين وعان قازىرگى تاڭدا ورتا سالماقتاعى ەڭ مىقتى بوكسشىنى انىقتاپ العان ماڭىزدى ەكەنىن ايتتى. «قازىر ماعان نەگىزىنەن ءوزىم ونەر كورسەتەتىن ورتا سالماقتا قالا بەرگەنىم دۇرىس. ءبىراق وزگە سالماقتارداعى تازا «قارجىلىق» جەكپە-جەكتەر ۇيىمداستىرۋعا بولادى.
دەسە دە ەڭ قولايلىسى - ورتا سالماق. مىسالى، ورتا سالماقتا الۆارەسپەن كەزدەسۋ ۇيىمداستىرۋ. الايدا بۇگىنگى تاڭدا بۇل تەك اڭگىمە كۇيىندە عانا ايتىلىپ ءجۇر. ءبىر جاعىنان بۇل ەشتەمەنى بىلدىرمەيدى، ال ەكىنشى جاعىنان بارلىعى دا بۇل جەكپە-جەكتى ۇيىمداستىرۋعا نيەتتى. قالاي بولعاندا دا ناقتى كەلىسىم-شارت جاسالىپ بىتكەنشە بۇل دا الىپ-قاشپا اڭگىمە بولادى. ماعان قازىر ورتا سالماقتاعى ەڭ مىقتى بوكسشىنى انىقتاپ العانىم ماڭىزدى»، - دەيدى گولوۆكين.
گەننادي گولوۆكين سونداي-اق قازىر اعىلشىن ءتىلىن تولىق مەڭگەرىپ الماعانىن ايتتى. «مەن قازىر اعىلشىن ءتىلىن تولىق مەڭگەرىپ الدىم دەپ ايتا المايمىن. ال بوكس تەرميندەرىن كۇن سايىن جاتتىعۋ زالىندا ۇيرەنىپ ءجۇرمىن. مەن ول جاقتا باپكەرىممەن جانە جىگىتتەرمەن اڭگىمەلەسىپ، تاجىريبە الىپ ءجۇرمىن. ءبىراق، مەن اعىلشىن ءتىلىن جۇيەلى ءارى داعدىلى وقىپ جاتقان جوقپىن. ءتىل ۇيرەنۋدەگى باستى كەمشىلىگىم وسى. بۇعان ۋاقىت جەتپەيدى. سوندىقتان دا قازىرگە دەيىن ۇيرەنگەن اعىلشىن ءتىلىم جاتتىعۋ زالىنداعى تاجىريبە مەن كۇندەلىكتىڭ قارىم-قاتىناستىڭ ناتيجەسى»، - دەيدى گەننادي گولوۆكين.
ال ا ق ش-قا كوشۋ تۋرالى سۇراققا وتانداسىمىز: «ءالى كوشكەن جوقپىن، بۇل مەنىڭ جوسپارىمدا»، - دەپ جاۋاپ بەردى.
tengrinews.kz
