بريتاندىق ايەل قايتىس بولعان اجەسىنەن كەلتەحات كەلدى
ال ونىڭ ۇيالى تەلەفونى مارقۇمنىڭ قاسىنا كومىلگەن ەدى، دەپ جازادى شەتەلدىك ب ا ق.
ەمەرسون اجەي 58 جاسىندا كوز جۇمدى.
ءتىرى كەزىندە ول تۋىستارىنا كەلتەحات حابارلاما جىبەرگەندى ۇناتاتىن ەدى، سوندىقتان ونىڭ ۇيالى تەلەفونىن قاسىنا بىرگە قويعان.
و 2 بايلانىس وپەراتورلارى اجەيدىڭ بايلانىس نومەرىن ەشكىم پايدالانبايدى دەپ ەمەرسوننىڭ وتباسىن سەندىرگەن ەدى.
اجەلەرى قايتىس بولعان سوڭ قايعىلارىن جەڭىلدەتۋ ماقساتىمەن تۋعان-تۋىستارى وعان حابارلاما جازىپ تۇرادى. الايدا ءبىر كۇنى نەمەرەسىنە اجەسىنەن: «مەن سەندەردى الىستان باقىلاپ تۇرمىن. ءبارى جاقسى بولادى، تەك العا ۇمتىلىڭدار»، - دەگەن جاۋاپ كەلەدى.
بەلگىلى بولعانداي، ەمەرسون اجەي قايتىس بولعان سوڭ 3 جىل وتكەننەن كەيىن و 2 كومپانياسى نومەردى باسقا كليەنتكە ساتىپ جىبەرەدى. ال ول بولسا جاڭا العان نومەرىنە كەلگەن حابارلامالاردى دوستارىنىڭ قالجىڭى دەپ ۇعىپ، جاۋاپ جازىپ جىبەرگەن.
شەري ەمەرسوننىڭ ايتۋىنشا، ول الدىمەن بىرەۋلەر اجەسىنىڭ قابىرىن قازىپ، تەلەفوندى الدى ما دەپ قاۋىپتەنگەن. كەيىن ءىستىڭ ءمان-جايى انىقتالعان سوڭ اجەسىنىڭ نومەرىن العان ادام ودان جىبەرگەن حابارلامالارى ءۇشىن كەشىرىم سۇرادى.
