كولىك ۇرلىعىنا قاتىستى حالىقارالىق قىلمىستىق توپ قولعا ءتۇستى
«8-10- قازان ارالىعىندا ۇيىمداستىرىلعان بۇل شاراعا ىشكى ىستەر ورگاندارىنىڭ 6,5 مىڭعا جۋىق قىزمەتكەرى تارتىلدى. كريمينالدىق جانە اكىمشىلىك پوليتسيا بولىنىستەرىنىڭ قاتارىنان 864 جەدەل-ىزدەستىرۋ توبى قۇرىلدى»، - دەلىنگەن ق ر ءى ءى م كريمينالدىق پوليتسيا دەپارتامەنتىنىڭ مالىمەتىندە.
قابىلدانعان شارالاردىڭ ارقاسىندا بۇرىن جاسالعان 80 اۆتوقىلمىس (21 ۇرلىق پەن 59-ايداپ كەتۋ)، سونداي-اق «وتكەن جىلدار» ساناتىنداعى جاسالعان تيىسىنشە 2 ۇرلىق پەن 5 ايداپ كەتۋ قىلمىستارى اشىلدى.
ماسەلەن، وڭتۇستىك قازاقستان وبلىسىنىڭ ءى ءى د-دە وزبەكستان ازاماتى ۇستالدى، ول ءۇش اۆتوماشينا ۇرلىعىن جاساعانىن مويىندادى. سونداي-اق شىمكەنت قالاسى تۇرعىنىنىڭ وسىعان ۇقساس جەتى قىلمىسقا قاتىستىلىعى دالەلدەندى.
ۇرلىق جانە ايداپ كەتۋ قىلمىستارىن جاساعانى ءۇشىن 88 ادام ۇستالىپ، ولاردىڭ 83 ءى (ونىڭ ىشىندە ءبىر توپ ادامدار جاساعان 10 قىلمىس ءۇشىن) قىلمىستىق جاۋاپكەرشىلىككە تارتىلدى.
ءبىر حالىقارالىق قىلمىستىق توپ انىقتالىپ، ولاردىڭ قىلمىستىق ارەكەتىنىڭ جولى كەسىلدى. ماسەلەن، اقتوبە وبلىسىنىڭ ءى ءى د قىزمەتكەرلەرى رەسەي فەدەراتسياسى ورىنبور ءى ءى ب قىزمەتكەرلەرىمەن بىرلەسىپ، جەدەل-ىزدەستىرۋ ءىس-شارالارىن وتكىزۋ كەزىندە اقتوبە، شىمكەنت جانە ورىنبور قالالارىنىڭ ءۇش تۇرعىنىن ۇستاپ، رەسەي اۋماعىندا ۇرلانعان بىرنەشە اۆتوكولىكتەردى (نيۆا-شيەۆرولە جانە ەكى ۆاز) تاركىلەدى. قازىرگى ۋاقىتتا اتالعان ادامداردىڭ قىلمىستىق ارەكەتىن قۇجاتتاندىرۋ جانە بايلانىستارىن انىقتاۋ بويىنشا جەدەل-ىزدەستىرۋ ءىس-شارالارىنىڭ كەشەنى جۇرگىزىلۋدە.
سونداي-اق، ىزدەستىرۋدە بولعان 79 اۆتوماشينا تابىلدى. اۆتوكولىك قۇرالدارىن ۇرلاۋ جانە ايداپ كەتۋ قىلمىستارىن جاساعانى ءۇشىن ىزدەۋ جاريالانعان 3 قىلمىسكەر جانە 2 كۇدىكتى ۇستالدى.
