فينلانديالىق «اقىلدى قالا» وۋلۋ قازاقستاندىق ساراپشىلارعا تەحنولوگياسىنىڭ قۇپياسىن اشتى
«وتكەن كەزدەسۋلەردىڭ باستى تاقىرىبى تەحنولوگيالىق پاركتەردى قۇرۋ جانە ولاردى باسقارۋدىڭ فيندىك تاجىريبەسىن مەڭگەرۋ بولدى»، - دەپ حابارلادى ق ر س ءى م.
وۋلۋ قالاسىنىڭ مەرى ماتتي پەننانەن «اقىلدى قالانىڭ» سمارت بيزنەس-قۇرىلىمدى، تەحنولوگيالىق پاركتەردى ۇيىمداستىرۋ جانە مەملەكەتتىك يننوۆاتسيالىق قولداۋ سالاسىنداعى جاڭاشىلدىعىمەن ءبولىستى.
وسى سالاداعى جەتەكشى «Technopolis» كومپانياسى يننوۆاتسيالىق ورتا قۇرۋدىڭ تاجىريبەسى، مەملەكەتتىڭ، بيزنەس پەن ءبىلىم بەرۋ- زەرتتەۋ قۇرىلىمدارىنىڭ ۇيلەستىرىلگەن جۇمىسىنىڭ ماڭىزدىلىعى تۋرالى جان-جاقتى تانىستىردى.
قازاقستاندىق دەلەگاتسياعا وۋلۋ قالاسىنىڭ تەحنولوگيالىق پاركىندە ورنالاسقان فين كومپانيالارىنىڭ جاڭا تەحنولوگيالارى كورسەتىلدى.
