امەريكانىڭ ۇشقىشسىز باسقارىلاتىن قۇپيا ۇشاعى جەرگە ورالدى
اۋە بازاسىنىڭ سايتىندا جاريالانعان حابارلامادا ايتىلعانىنداي Boeing كومپانياسى جاساعان X-37B كوپ رەت قولدانۋعا ارنالعان ۇشۋ اپپاراتى «674 كۇن بويى وربيتادا ەكسپەريمەنتتەر جۇرگىزگەن» . بۇل ۇشۋ اپپاراتى ا ق ش- تىڭ تەستكە ارنالعان وربيتالىق اپپاراتتارىنىڭ ميسسياسى اياسىندا ۇشىرىلدى.
سونداي- اق ءبىرقاتار ب ا ق- تىڭ حابارلاۋىنشا ۇشقىشسىز باسقارىلاتىن ۇشاقتىڭ وربيتادا ناقتى قانداي ميسسيانى ورىنداۋ ءۇشىن ۇشىرىلعانى جاريايلانبايدى، قۇپيا تۇرىندە ساقتالىپ وتىر. كەيبىرەۋلەر Х-37В قىتاي عارىش زەرتحانالارىن باقىلاۋ ءۇشىن ۇشىرىلدى دەگەن بولجامدار جاساعان بولاتىن، الايدا بۇل بولجام جوققا شىعارىلدى. شىندىققا جاناساتىن نۇسقالاردىڭ بىرىنە سايكەس، ا ق ش سپۋتنيك جىبەرۋ ءۇشىن الدىن الا ۇشقىشسىز باسقارىلاتىن ۇشاق ارقىلى تەحنولوگيانى تەستتەن وتكىزگەن كورىنەدى.
بۇعان دەيىن OTV دان ءۇش رەت وسىنداي اپاراتتار عارىشقا جىبەرىلگەن، ولار باس- اياعى 1367 كۇن ۇشقان بولاتىن. ا ق ش اۋە بازاسىنىڭ ماماندارى سشا X-37B ۇشقىشسىز باسقارىلاتىن ۇشاعىن وتە جاڭا، سوڭعى تەحنولوگيامەن جاسالعان كوپ مارتە پايدالانىلاتىن عارىش اپپاراتى دەپ وتىر.
ا ق ش- تىڭ ۇشقىشسىز باسقارىلاتىن Х-37В ۇشاعىنىڭ وربيتادا ناقتى نەمەن اينالىسقانى تۋرالى اقپارات جوق. بەلگىلىسى، اپپارات 2012 - جىلدىڭ 12 - جەلتوقسانىندا عارىشقا ۇشىرىلعان. باقىلاۋشىلاردىڭ بولجامى بويىنشا ول عارىشتا جەردەن 180 شاقىرىم قاشىقتىقتا بولدى. الايدا بۇل دەرەك رەسمي ناقتىلانباعان. سونداي- اق سالماعى 5 توننالىق اپپارات قانداي قۇرىلعىمەن جابدىقتالعانى دا بەلگىسىز. OTV ءتورتىنشى اپپاراتى 2015 - جىلى عارىشقا ۇشىرىلادى دەپ كۇتىلۋدە.
