ءىرى اپات سالدارىنان قوستاناي قالاسىنىڭ ۇشتەن ءبىر بولىگى سۋسىز قالدى
8- ناۋرىز جانە فرولوۆ كوشەلەرىنىڭ قيىلىسىندا جاڭا كوللەكتوردىڭ قۇبىرلارىن سالۋ جۇمىستارى كەزىندە جەر وپىرىلىپ كەتتى. سالدارىنان ەسكى كوللەكتورعا زاقىم كەلىپ، ديامەترى 1200 م م بولاتىن قۇبىردان كارىزدىك اعىن سۋلار اعا باستاعان.
قوستاناي اكىمىنىڭ ورىنباسارى فرۋنزيك اراكەلياننىڭ حابارلاۋىنشا، اپاتتى جانە ونىڭ سالدارىن جويۋ ءۇشىن وبلىس ورتالىعىنىڭ كەيبىر شاعىن اۋداندارىندا سۋ بەرۋدى توقتاتۋعا تۋرا كەلگەن. كوممۋنالدىق قىزمەتتەگىلەر اپات سالدارىن جويۋ جۇمىستارىن تاۋلىك ىشىندە اياقتايدى دەپ بولجانۋدا.
«اپات ورنىندا قاجەتتى تەحنيكا جۇىس ىستەۋدە، مۇندا «قوستاناي سۋ» كاسىپورنىنىڭ جوندەۋ بريگادالارى جۇمىلدىرىلعان»، - دەپ حابارلادى ف. اراكەليان. - جەكەمەنشىك ۇيلەر مەن اۋداندارعا سۋ ءتۇن ورتاسىندا بەرىلەدى دەپ بولجانىپ وتىر. ەرتەڭ ءبارى شتاتتىق رەجيمدە جۇمىس جاساۋى كەرەك دەگەن مىندەت قويىلدى».
