استانادا زەينەتكەرلەرگە ارنالعان «ءسانيا» دەمالىس ورتالىعى اشىلدى
قاريالار جاڭا شاعىن ورتالىقتا دەمالىس ۋاقىتتارىن شاحمات، دويبى ويناپ ءتيىمدى وتكىزەدى، سونداي- اق ساۋىقتىرۋ گيمناستيكاسىمەن شۇعىلدانىپ، ءان ايتىپ، ورتالىق جانىنان اشىلعان كىتاپحانادا كىتاپ وقيدى. سونىمەن قاتار جەتكىنشەك قىز بالالاردى توقۋ، تىگۋ ونەرىنە، اس مازىرلەۋگە ۇيرەتىپ، جاستاردى ءداستۇرلى تاربيەگە باۋلۋ جوسپارلانىپ وتىر.
ايتا كەتەيىك، بۇگىنگى تاڭدا اۋدان كولەمىندە 6 شاعىن ورتالىق جۇمىس ىستەيدى. ونىڭ ءارقايسىسىنا استانانىڭ دامۋىنا ءوز ۇلەسىن قوسىپ، ەل يگىلىگىنە ەڭبەك ەتكەن 75 جۋىق قاريا بارىپ تۇرادى.
