دەنەسىن قابىرشىق باسقان قازاق بالاعا رەسەيلىك دارىگەرلەر كومەكتەسپەك
دارىگەرلەر جاسۇلاننىڭ قابىلدايتىن بارلىق ەم شارالارى مەن ونىڭ وتباسىنىڭ ءۇي جالداۋىنا قارجى تولەۋدى ۇسىنىپ، بالاعا ارنايى ەمدەۋ كۋرسىنان وتۋگە مۇمكىندىك بەرىپ وتىر. دارىگەرلەر سيرەك كەزدەسەتىن اۋرۋ تۋرالى جۋرناليستەردەن ەستىگەن. رەسلەيلىك ن ت ۆ تەلەارناسى يحتيوز جايلى باعدارلاما تۇسىرۋگە نيەتتى. «ءبىر اپتا بۇرىن ماعان ماسكەۋدەن تەلەفون ارقىلى حابارلاستى، باسىندا مەنى نەگە ىزدەدى دەپ تاڭعالدىم. ولار: «ءبىز نت ۆ- دانبىز، سىزدەردى الدەبىر تەلەارنادان كورىپ قالىپ، كومەكتەسۋدى ويلادىق. ءبىزدىڭ بارلىق پروفەسسورلارىمىز بەن دارىگەرلەرىمىز جاسۇلانعا كومەكتەسۋ ءۇشىن ونى ماسكەۋگە الىپ كەلىپ ەمدەگىسى كەلەدى» دەدى»، - دەيدى دەنەسى قابىرشىقتانعان بالانىڭ اناسى ءۇلبيبى ىقىلاسوۆا.
يزرايلدەن كەلگەن سوڭ بالانىڭ وتباسى ماسكەۋگە بارۋدى جوسپارلاپ وتىر. جاسۇلاننىڭ ەمدەلۋىنە قازاقستاندىقتار جيناپ بەرگەن قارجىعا ونىڭ اتا-اناسى يزرايلدىك دارىگەرلەر جازىپ بەرگەن ءدارى-دارمەكتەردى ساتىپ الماق. ايتا كەتەيىك، جينالعان اقشا ەمدەۋ كۋرسىنىڭ ءبىر اپتاسىنا عانا جەتەدى.
دەنەسىن قابىرشىق باسقان بالا قىزىلوردادا تۋعان. ول سەگىز ايىنان باستاپ يحتيوز اۋرۋىنىڭ ەڭ قاۋىپتى تۇرىمەن اۋىرادى. ءۇلبيبى ىقىلاسوۆانىڭ تاعى ەكى بالاسى بار، ولار ەش اۋىتقۋسىز دۇنيەگە كەلگەن. بالانى ەمدەۋگە كۇنىنە 10 مىڭ تەڭگە جۇمسالىپ جاتىر. جاسۇلاننىڭ سيرەك كەزدەسەتىن اۋرۋى تۋرالى ونىڭ اتا-اناسىنىڭ ب ا ق ارقىلى قازاقستاندىقتاردان كومەك سۇراعانىنان كەيىن بەلگىلى بولدى.
