بيىل «قازگيدرومەت» قىستا اۋا رايى قانداي بولاتىنىن ايتتى
«الدىن الا بولجام بويىنشا، الداعى قىس اۋمالى-توكپەلى بولادى، سۋىق كۇندەر قالىڭ قار مەن جاۋىن شاشىنعا وزگەرىپ وتىرادى. 2013-2014-جىلدارداعى قىسقا قاراعاندا الداعى قىس سالىستىرمالى تۇردە سۋىعىراق بولادى»، - دەدى ول.
ونىڭ ايتۋىنشا، كۇزدە جىلى كۇندەر ءالى دە جالعاسادى. ماسەلەن، قاراشانىڭ ءبىرىنشى ەكى ون كۇندىگى سالتىستىرمالى تۇردە جىلى جانە جاۋىن-شاشىندى بولادى.
«ال ناعىز تۇراقتى قالىڭ قار جامىلعىسى بار ءداستۇرلى قىس ايدىڭ ءۇشىنشى ونكۇندىگىندە كەلەدى. ەلدىڭ سولتۇستىگىندە، شىعىسىندا جانە ورتالىعىندا اۋا تەمپەراتۋراسى تۇندە 30 گرادۋسقا دەيىن ءتۇسۋى مۇمكىن، وڭتۇستىك وڭىرلەردە - 20 گرادۋس سۋىق بولادى»، - دەيدى سازانوۆا.
مەتەورولوگتار جەلتوقساندى اۋمالى-توكپەلى بولاتىنىن ايتادى: قوڭىر سالقىن سۋىق - شىعىس بولىكتە، ال جىلى اۋا ەلدىڭ باتىس بولىگىندە.
«قار ءتۇسىپ، سۋىق بولاتىن ۋاقىت ايدىڭ باسىنا جانە اسىرەسە ءۇشىنشى ون كۇندىگىندە كەلەدى، بۇل كەزدە باتىس پەن سولتۇستىك باتىستان كەلەتىن سۋىق ەلدىڭ سولتۇستىك جارتىسىندا تۇندە 30-35 گرادۋس سەلسيگە دەيىن، وڭتۇستىك جارتى بولىكتە - 20-30 گرادۋس سەلسيگە دەيىن سۋىق بولادى. الدىن الا بولجام بويىنشا، جاڭا جىلدى قوڭىر سالقىن سۋىقپەن جانە قارمەن قارسى الامىز».
الدىن الا بولجام بويىنشا، 2015-جىلدىڭ قاڭتارىندا ەلدىڭ كوپ بولىگىندە موڭعول انتيتسيكلونىنىڭ ۇستەمدىگىمەن ىزعارلى بولىپ، قار از تۇسەدى. ال رەسپۋبليكانىڭ وڭتۇستىك باتىسىندا اۋا تەمپەراتۋراسى قالىپتىعا جاقىن، ال ماڭعىستاۋ وبلىسىندا سالىستىرمالى تۇردە قارلى بولادى.
قازاقستان بويىنشا ىزعاردىڭ كۇشەيۋىن ايدىڭ ەكىنشى جارتىسىندا كۇتۋگە بولادى، ول كەزدە اۋا تەمپەراتۋراسى سولتۇستىك بولىكتە تۇندە 35-43 گرادۋسقا دەيىن جەتۋى مۇمكىن، ال باتىسىندا - 30 گرادۋسقا دەيىن تومەندەيدى.
«اقپان اۋمالى-توكپەلى بولادى: قازاقستاننىڭ سولتۇستىك-باتىس بولىگىندە ۋلتراپوليارلىق اۋا ماسساسىنىڭ ۇستەمدىگىنەن قوڭىرسالقىن اۋا رايى كليماتتىق نورمادان 1 گرادۋسقا تومەن بولسا، ال ەلدىڭ وڭتۇستىك شىعىس بولىگىندە وڭتۇستىك سيكلونداردىڭ ءجيى شىعۋىمەن جىلى اۋا رايى باسىم بولادى»، - دەيدى سازانوۆا.
سونىمەن قاتار، ونىڭ ايتۋىنشا، كوكتەمنىڭ باسى قۇبىلمالى بولادى: قىستىڭ ءجيى جاۋىن-شاشىنى مەن كۇشتى جەلى كوكتەمنىڭ جىلى ءارى مامىراجاي كۇندەرىمەن كەزەكتەسىپ وتىرادى.
