وقۋشى اكۋلانى ايقايىمەن ۇركىتتى

كيررا-بەل ولسسون (Kirra-Belle Olsson) جاعالاۋعا تاڭعى ساعات 06:30 شاماسىندا بارعان. وقۋشى سۋعا تۇسە باستاعاندا سول اياعىنان الدەنەنىڭ تارتىپ بارا جاتقانىن سەزگەن. «ول ءوزىنىڭ دوستارىنىڭ ءبىرى ەكەن دەپ ويلاپ، ايقايلاپ، كومەك شاقىرا باستايدى. سول كەزدە داۋىستان ۇرىككەن اكۋلا ونى جىبەرە سالدى»، - دەيدى قىزدىڭ اكەسى. ونىڭ ايتۋىنشا، ولسسوندى جاراقاتتان گيدروكوستيۋمى قۇتقارىپ قالىپتى.

وقۋشىنىڭ دوستارى وعان جاعالاۋعا شىعۋعا كومەكتەسىپ، العاشقى مەديتسينالىق جاردەم جاسادى. بۇدان كەيىن ولسسون جەرگىلىكتى اۋرۋحاناعا جەتكىزىلگەن. دارىگەرلەر ودان بىرنەشە دەنە جاراقاتىن انىقتاسا دا وقۋشى كۇلىپ-ويناپ، ازىلدەۋمەن بولعان.

9news.com.au پورتالىنىڭ مالىمەتى بويىنشا، وقۋشىعا شابۋىلداعان اكۋلانىڭ ۇزىندىعى - ءبىر مەتر. جاعالاۋ قۇتقارۋشىلارى دەمالۋشىلارعا سۋعا تۇسپەۋگە كەڭەس بەرىپتى.

ولسسون الداعى ۋاقىتتا سەرفينگ بويىنشا جاستار اراسىنداعى اۆستراليالىق چەمپيوناتقا دايىندىعىن قايتادان باستاۋعا نيەتتى. ايتا كەتەيىك، وقۋشى بۇعان دەيىن ەكى مارتە چەمپيون بولعان.

Tengrinews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى