ق ر باس پروكۋراتۋراسى عالامتوردا تاراپ كەتكەن كەلىن ۇرلاۋ تۋرالى بەينەروليككە قاتىستى تۇسىنىكتەمە بەردى - كەسكىن
«اتالعان بەينەروليكتە كورسەتىلگەن وقيعالار تەكسەرىلدى. جاس جۇبايلاردىڭ كىم ەكەندەرى انىقتالدى. ەرلى-زايىپتىلاردىڭ ءتۇسىندىرۋى بويىنشا، ولار اعىمداعى جىلعى تامىزدىڭ باسىنان بەرى ازاماتتىق نەكەدە تۇرادى، بۇعان دەيىن ءبىر جىلعا جۋىق دوس بولعان جانە جانۇيا قۇرۋدى جوسپارلاعان»، - دەلىنگەن حابارلامادا.
بۇل رەتتە، جۇبايى كۇيەۋىنىڭ ۇيىنە ءوز ەركىمەن كەلگەنىن، ال بەينەروليكتەگى ەرىكسىز كوندىرۋ كورىنىستەرىن مۇنداي جاعدايلاردا قىزدىڭ ارىن ساقتاۋمەن بايلانىستى ءداستۇردى كورسەتۋگە تالپىنۋلارىمەن ءتۇسىندىردى.
كەلتىرىلگەن جاعدايلارعا بايلانىستى جوعارىدا كورسەتىلگەن روليك بويىنشا قۇقىق قورعاۋ ورگاندارى قۇقىقتىق ىقپال ەتۋ شارالارىن قولدانعان جوق.
ايتا كەتەيىك، زاڭعا سايكەس، ادام ۇرلاۋ مۇلكىن تاركىلەپ، 15 جىلعا دەيىن باس بوستاندىعىنان ايىرۋ تۇرىندەگى جاۋاپكەرشىلىككە اكەلىپ سوعاتىن قىلمىستىق جازالاۋ ارەكەتىنىڭ قۇرامىن قۇرايدى. وسىنداي قىلمىستىڭ جاسالعانى تۋرالى مالىمەتتەر كەلىپ تۇسكەندە قۇقىق قورعاۋ ورگاندارى كىنالى تۇلعالاردى اشكەرەلەۋ جانە ولاردى جاۋاپكەرشىلىككە تارتۋ بويىنشا جان-جاقتى شارالار قولدانادى.
