قازاقستاننىڭ ءبىرىڭعاي استىق حولدينگى استىقتى كەرى ساتىپ الۋ تەتىكتەرىن ازىرلەۋدە
«كەرى ساتىپ الۋ قۇقىعى - ءبىرىڭعاي استىق حولدينگىنە ەنگەن استىق وندىرۋشىلەردى قولداۋدىڭ ءبىر ءتۇرى. ءبىرىڭعاي استىق حولدينگىنىڭ كونسەپتۋالدى مودەلىنە سايكەس ونىڭ مۇشەلەرى وعان قاتىسۋدان قوسىمشا پايدا الۋ مۇمكىندىگىنە يە بولادى. بۇل رەتتەگى پايدا - نارىقتىق كونيۋكتۋراعا بايلانىستى استىقتى باسقارۋ قۇقىعىن پايدالانۋ مۇمكىندىگى. وزدەرى وندىرگەن استىقتى ازىق-تۇلىك كەلىسىم-شارت كورپوراتسياسىن ساتقان ءبىرىڭعاي استىق حولدينگىنىڭ قاتىسۋشىلار بۇل استىقتى نارىقتىق باعا كوتەرىلگەن كەزدە ەركىن نارىقتا ساتۋ ءۇشىن كەرى ساتىپ الا الادى. بۇل جالپىعا تانىلعان، استىق ءوسىرۋشى ەلدەردە وڭ تاجىريبەگە يە بولعان تەتىك»، - دەدى ول ءوزىنىڭ رەسمي جاۋابىندا.
سونىمەن قاتار ول وسى شەشىم ەسەبىنەن ءبىرىڭعاي استىق حولدينگىنە قاتىسۋشى استىق وندىرۋشىلەردىڭ تابىسى ارتا تۇسەتىندىگىن اتاپ وتكەن. اتالعان تەتىك ازىرلەنۋ ۇستىندە. قۇجات دايىن بولعان سوڭ ءبىرىڭعاي استىق حولدينگى باسقارۋشى كەڭەسىنىڭ شەشىمىمەن قابىلدانىپ، كۇشىنە ەنەتىن بولادى.
اۆتور: مارلان جيەمباي
