توعىز جىل ىزدەۋدە بولعان كىسى ءولتىرۋشى ۇستالدى
«ۇستالعان ازامات 2005-جىلى 11- قاراشادا الماتى وبلىسىنىڭ قاراساي اۋدانىندا ءوزىنىڭ وتانداسىنا اۋىر دەنە جاراقاتىن سالعان. قىرعىزستاننىڭ ەكى ازاماتى بۇل شاقتا جەرگىلىكتى قۇرىلىستا جۇمىس ىستەپ جۇرگەن.
جۇمىس بارىسىندا گاستاربايتەرلەر اراسىندا جانجال تۋىندايدى. ناتيجەسىندە ايىپتالۋشى پىشاققا جارماسىپ، ارىپتەسىنىڭ كەۋدە تۇسىنا پىشاق سۇعىپ العان. سونىڭ سالدارىنان 20 جاستاعى ازامات قاسكەلەڭ قالاسىنداعى ورتالىق اۋرۋحانادا ەسىن جيماعان كۇيى كوز جۇمدى»، - دەلىنگەن حابارلامادا.
ال كىسى ءولتىرۋشى قاپىسىن تاۋىپ، قازاقستان اۋماعىنان شىعىپ، ءوز وتانىندا ءىز جاسىرىنىپ ۇلگەرگەن. الايدا، 9 جىلدان سوڭ، جەدەل ىزدەۋ شارالارىنىڭ ارقاسىندا 35 جاستاعى قاشقىن ءبارى-ءبىر ۇستالدى.
ءسويتىپ، قىلمىستىق ءىس قىرعىزستان رەسپۋبليكاسىنىڭ ءى ءى م-نە تابىستالدى. ۇستالعان كۇدىكتى، بىشكەك قالاسىندا تەرگەۋ اباقتىسىنا قامالدى. ەندى ايىپتالۋشى قىرعىزستان رەسپۋبليكاسىنىڭ قىلمىستىق زاڭناماسىنا سايكەس، سوت شەشىمىن كۇتەدى.
اۆتور: جاپپاربەرگەن ايبوتا
