مەنىڭ ۇلىمدى ولتىرۋگە تاپسىرىس بەرگەندەرگە قۇقىق قورعاۋ ورگاندارىنىڭ ءتىسى باتپاعان - ا. احمەتوۆ
ايتا كەتەيىك، كەشە س ق و قارجى پوليتسياسى باسشىسى ورىنباسارىنىڭ ولىمىنە قاتىستى ءۇش كۇدىكتىنى ايىپتاۋ بويىنشا قىلمىستىق ءىس بويىنشا ۇكىم شىعارىلدى.
«ءيا، ولاردىڭ كىنالى ەكەندەرى دالەلدەندى، الايدا مەنىڭ بۇل ۇكىمگە كوڭىلىم تولمايدى. مەنىڭ ۇلىمدى كىم ءولتىردى؟ نە ءۇشىن؟ مۇنىڭ نەگىزگى سەبەپتەرىن اتامادى»، - دەدى قازا تاپقان قىزمەتكەردىڭ اكەسى ا. احمەتوۆ.
ا. احمەتوۆ «ۇلىن ولتىرۋگە تاپسىرىس بەرگەندەرگە قۇقىق قورعاۋ ورگاندارىنىڭ ءتىسى باتپاعان بولۋى كەرەك» دەگەن ويدا قالعانىن ءبىلدىردى.
ەسكە سالا كەتەيىك، 2013-جىلدىڭ 24- جەلتوقسانىندا پەتروپاۆلدا ءوز ءۇيىنىڭ پودەزىندە س ق و بويىنشا ەكونوميكالىق جانە سىبايلاس جەمقورلىققا قارسى كۇرەس دەپارتامەنتى باسشىسىنىڭ ورىنباسارى ج. احمەتوۆتىڭ ومىرىنە قاستاندىق جاسالدى.
سوت ا. جامالديەۆتى مۇلكىن تاركىلەپ، ەرەكشە رەجىمدەگى كولونيادا 24 جىل جازاسىن وتەۋ جازاسىنا كەستى. ال پ. كوۆاليەۆ قاتاڭ رەجىمدەگى كولونيادا 22 جىل جازاسىن وتەيدى، م. حۋكيەۆ جالپى رەجىمدەگى كولونياعا بەس جىلعا قامالدى.
