جون كەرريدىڭ قولىنداعى پاكەتتىڭ ىشىندە نە بار؟
شەنەۋنىكتەر مەن اتقامىنەرلەردىڭ ءجۇرىسىن اڭدىپ قالعان جۋرناليستەر كايرگە ساپارمەن بارا جاتقان كەرريدىڭ قولىندا ورالعان پاكەتتىڭ بارىن بايقاپ قالعان.
تىكۇشاققا مىنەر الدىندا ءبىرقاتار جۋرناليستەر ونى سۋرەتكە ءتۇسىرىپ تە ۇلگەرگەن. جۋرناليستەردى قىزىقتىرعان بۇل پاكەت نە؟ كەرريدىڭ قولىندا نە بار؟ بۇل ساۋالدى جۋرناليستەر اپتا سايىن بريفينگ وتكىزەتىن ا ق ش مەملەكەتتىك دەپارتامەنتىنىڭ وكىلى جەن پساكيگە قويعان.
«ەندريۋس» اسكەري بازاسىنان كايرگە ۇشار الدىندا كەرري قولىنا پاكەت ۇستاپ ۇشاققا ءمىندى. بۇل ەگيپەتتىكتەردىڭ زور قىزىعۋشىلىعىن تۋعىزدى. ول ەگيپەتكە نە اپارا جاتىر؟ ونىڭ قولىنداعى نە؟». بۇل ساۋالعا قاشان دا سالماقتىلىعىنان اينىمايتىن جەن پساكي بىلاي دەپ جاۋاپ بەردى.
- جارايدى، كەرريدىڭ قۇپياسىن اشايىن. ا ق ش مەملەكەتتىك حاتشىسى ءتاتتىنى كوبىرەك جەگەندى جاقسى كورەدى. مەنىڭ ويىمشا، ونىڭ قولىندا سامسا نەمەسە كامپيت بولۋى ىقتيمال. ەلدى قىزىقتىراتىنداي، باسقا نارسە بولۋى مۇمكىن ەمەس». ءبىراق ا ق ش مەملەكەتتىك دەپارتامەنتىنىڭ وكىلى جەن پساكي كەرري قۇپياسىن كەيىنىرەك انىقتاۋعا ۋادە بەردى.
ال كەرري ەگيپەتكە گازا ايماعىنداعى جاعدايدى تالقىلاپ، لاڭكەستىك ارەكەتتەردى توقتاتۋعا قاتىستى بارعانى بەلگىلى. الايدا كەرري «يسلام مەملەكەتى» توبىنا قارسى كۇرەستە وزدەرىنىڭ السىزدىك تانىتىپ وتىرعانىن مويىندادى.
بەرىك بەيسەن ۇلى
«ايقىن»
