قىتايدا پارا العان شەنەۋنىك ءولىم جازاسىنا كەسىلدى
«شينحۋا» اگەنتتىگى وعان ەكى جىلعا كەيىنگە شەگەرىلىپ، ەڭ اۋىر جازا تاعايىندالعانىن حابارلادى.
ۇكىمدە چجان شۋگۋاننىڭ ساياسي قۇقىقتان ايىرىلىپ، بارلىق مەنشىگى تاركىلەنگەنى ايتىلعان. بۇدان بۇرىن ول 47 ميلليون يۋاننان (7,68 ميلليون دوللار) استام سومادا پارا العان ايىبىن مويىنداعان ەدى. بۇل قاراجاتتى شەنەۋنىك 2000-2011 -جىلدارى 14 كومپانيامەن كەلىسىمشارت جاساسۋ بارىسىندا العان.
چجان شۋگۋان ق ح ر بۇرىنعى ءمينيسترى ليۋ چجيتسزيۋنيۋمەن سىبايلاس بولعان. بۇرىنعى باسشى وتكەن جىلى ەكى جىلعا كەيىنگە شەگەرىلىپ، ءولىم جازاسىنا كەسىلگەن بولاتىن. تەرگەۋ بارىسىندا انىقتاعانداي، پارا العانى جانە لاۋازىمدىق مىندەتىن اسىرا پايدالانعانى ءۇشىن ايىپتالعان ليۋ چجيتسزيۋن 1986-2011 - جىلدارى ءتۇرلى تۇلعالاردان 64,6 ميلليون يۋان (10,53 ميلليون دوللار) پارا العان.
