الماتى مەن بىشكەك ىسكەرلىك بايلانىستارىن دامىتا تۇسپەك

كەزدەسۋ بارىسىندا قالا باسشىلارى ىسكەرلىك بايلانىس اۋقىمىن كەڭەيتۋ ماسەلەلەرىن تالقىلادى.

سونىمەن قاتار تاراپتار ساۋدا-ەكنوميكالىق، ينۆەستيتسيالىق سەرىكتەستىكتى ودان ءارى دامىتۋ ماسەلەلەرىن ورتاعا سالىپ، ەۋرازيالىق كەڭىستىكتە ينتەگراتسيالىق بىرىگۋدىڭ نەگىزگى باعىتتارىن قاراستىردى.

«قازىرگى تاڭدا قىرعىزستانعا قازاقستاننان مول ينۆەستيتسيا تۇسۋدە. ولار نەگىزىنەن قۇرىلىس سەكتورىنا جۇمسالىپ جاتىر. قىرعىزستان استاناسىنىڭ حالقى بۇگىندە رەسمي ەمەس مالىمەتتەر بويىنشا 1,5 ميلليون ادامعا جەتىپ قالدى. ال بيۋجەتىمىز 7 ميلليارد سوم، بۇل ەكۆيۆالەنت بويىنشا 100 ميلليون ا ق ش دوللارى»، - دەدى كۋبانىچبەك كۋلماتوۆ.

بىشكەك قالاسىنىڭ ءمەرى كەزدەسۋدى ۇيىمداستىرعانى ءۇشىن قالا اكىمىنە العىسىن ءبىلدىردى جانە الماتىنىڭ ورتالىق ازيا ەكونوميكاسىندا ماڭىزدى ءرول اتقاراتىندىعىن جەتكىزدى.

كەزدەسۋ سوڭىندا تاراپتار ەكى قالا اراسىنداعى ەكىجاقتى ىسكەرلىك بايلانىستى ودان ءارى نىعايتۋعا ۋاعدالاستى.

اۆتور: جاپپاربەرگەن ايبوتا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى