شىمكەنتتە قىزىل كىتاپقا ەنگەن قويدى اتقان براكونەر سوتتالدى
«ايىپتالۋشى قىزمەتتىك وكىلەتتىلىگىن تەرىس پايدالانىپ، «نيۆا» اۆتوكولىگىمەن قولىنا قارۋ الىپ، بايدىبەك اۋدانىنىڭ «قوعالى ساي» تاۋ بوكتەرىنە بارعان. وندا ول جويىلىپ كەتۋدىڭ الدىندا تۇرعان قاراتاۋ قويىن اتىپ العان»، - دەپ حابارلادى اۋداندىق سوتتان.
بۇل جانۋار قازاقستاننىڭ قىزىل كىتابىنا ەنگىزىلگەن.
سوت ەر ادامدى قىلمىستىق كودەكستىڭ 3-بابى بويىنشا ايىپتى دەپ تاپتى. سوت ەر ادامنىڭ ءوز ىسىنە وكىنىش بىلدىرگەنىن جانە ونىڭ كامەلەتتىك جاسقا تولماعان 4 بالاسى بار ەكەنىن ەسكەردى. سونىڭ نەگىزىندە وعان 2 جىل مەرزىمگە شارتتى جازا كەسىلدى.
سونىمەن بىرگە اڭشى مەملەكەتكە كەلتىرىلگەن زالالدى تولەۋى ءتيىس. ونىڭ مولشەرى - 2 ميلليون 778 مىڭ تەڭگە.
