قاراعاندى وبلىسىنىڭ ەكس-اكىمىنە جاڭا ايىپ تاعىلدى
بۇل جولى باۋىرجان ابدىشيەۆكە ءىرى كولەمدە پارا الدى دەگەن ايىپ تاعىلىپ وتىر.
ياعني، ول مەملەكەتتىك ساتىپ الۋ كونكۋرسىن ۇتىپ بەرۋ ءۇشىن جەرگىلىكتى كاسىپكەردەن 12 ميلليون تەڭگە العان.
بۇل ايىپتى تەرگەۋشىلەر تەمىرتاۋداعى مەتال ونىمدەرىن شىعاراتىن كومپانيا باسشىسىنىڭ سوزىنە سۇيەنىپ تاعىپ وتىر. كاسىپكەر ايەل العاشىندا قاماۋعا الىنعان. كەيىن جاۋاپ الۋ كەزىندە، ابدىشيەۆكە ءىرى كولەمدە پارا بەرگەنىن مويىنداعان سوڭ بوستاندىققا جىبەرىلىپتى.
ەستەرىڭىزگە سالا كەتسەك، قاراعاندى وبلىسىنىڭ بۇرىنعى اكىمى قىزمەت بابىن اسىرا پايدالاندى دەگەن كۇدىكپەن قاماۋعا الىنعان بولاتىن. تەرگەۋ ماتەريالدارىنا سۇيەنسەك، باۋىرجان ابدىشيەۆ، كەسەك تاس شىعاراتىن زاۋىتتىڭ مۇددەسىن قورعاعان. كەيىن سول كەسەك 3 جىل بويى قاراعاندىنىڭ جولدارىنا جاپپاي توسەلگەن ەكەن. بيۋدجەتتىڭ بارلىق تاپسىرىسىن الىپ وتىرعان ەكس-اكىمگە تيەسىلى زاۋىت، قۇجات جۇزىندە بوگدە ادامداردىڭ اتىنا جازىلعان كورىنەدى.
ktk
