قايرات نۇرتاستىڭ اناسى بيبىگۇل تولەگەنوۆاعا جاۋاپ بەردى
«ءبىز بۇكىل حالىقتىڭ سۇيىكتىسىنە اينالعان بيبىگۇل اپامىزعا قارسى داۋ ايتا المايمىز. قايرات سىندى قانشاما جاس ونەرپازدار سول كىسىلەرگە قاراپ ءوسىپ كەلەدى. ءبىراق، جاس بالانىڭ ەڭبەگىن مۇلدە جوققا شىعارىپ ايتقانى ءجون دە ەمەس- اۋ»، - دەيدى پروديۋسەر.
گۇلزيرا حانىم بيبىگۇل تولەگەنوۆانىڭ مۇنداي پىكىرگە كەلۋىنە تولقىن زابيروۆانىڭ اسەرى بولۋى مۇمكىن ەكەنىن ايتادى.
«ساز الەمىندە» ءانشى زابيروۆا قايراتتىڭ ونەرى مەن كاسىبيلىگىنە ءبىراز سىن ايتقانىن بىلەسىزدەر. بيبىگۇل اپامىزدىڭ قاسىندا ءجيى جۇرگەن سوڭ، قايرات تۋرالى ءوز پىكىرىن ۇنەمى ايتاتىن شىعار، كىم ءبىلسىن. قاسىڭدا جۇرگەن ادامنىڭ الدەكىم تۋرالى پىكىرىنە سەنىپ تە قالاتىنىمىز جاسىرىن ەمەس قوي. ايتپەسە، بيبىگۇل احمەت قىزى قايراتتىڭ شىعارماشىلىعىمەن سونشالىقتى تانىس تا ەمەس شىعار، بىلمەيمىن»، - دەگەن گۇلزيرا ۇسەن قىزى ءوز سۇحباتىندا.
ءانشىنىڭ اناسى قايراتتى قانشا سىناسا دا، بيبىگۇل تولەگەنوۆانى قازاقتىڭ انالارىنىڭ ءبىرى دەپ ەسەپتەپ، قۇرمەتتىڭ بارىنە دە لايىق دەپ سانايدى.
الايدا، جاقىندا الماتى مەن استانادا وتكەن قايرات نۇرتاستىڭ كونتسەرتىنە ولار تولەگەنوۆانى شاقىرۋدى ۇمىتىپ كەتكەن.
«وكىنىشتىسى، ەكى كونسەرتتىڭ دە الدىڭعى ەڭ سىيلى قوناقتارعا ارنالعان شاقىرتۋ بيلەتتەرىن تاراتىپ جىبەرىپپىز. سودان ول كىسىنى وسى جولى شاقىرا الماي وتىرمىز، ايتپەسە ويىمىزدا بار ەدى»، - دەپ اعىنان جارىلدى پروديۋسەر.
ەستەرىڭىزگە سالا كەتەيىك، بيبىگۇل تولەگەنوۆا ءانشى قايرات نۇرتاستى سىننىڭ استىنا الىپ، ونىڭ تالانتىن مويىندامايتىنىن ايتقان ەدى. بۇل پىكىر قوعامدا ۇلكەن داۋ تۋعىزدى.
