قاجىلىقتا قايتىس بولعان قازاقستاندىقتاردىڭ مۇردەسى مەككە مەن ءمادينادا جەرلەندى

  ايتا كەتەيىك، قازاننىڭ بەسى، جەتىسى جانە ون ءبىرى كۇندەرى ساۋد ارابياسىندا مۇسىلماننىڭ ەڭ ۇلكەن پارىزىن ورىنداۋ كەزىندە قازاقستاننان بارعان ءۇش قاجى قايتىس بولعان.

 بۇعان دەيىن قازاقستان مۇسىلماندارى ءدىني باسقارماسى ەكى وتانداسىمىزدىڭ قايتىس بولعانىن راستاعان. قازاقپاراتتىڭ حابارلاۋىنشا، 69 جاستاعى بابا نيكاندى جولاۋشىلار تاسىمالدايتىن اۆتوبۋس سوعىپ، مەرت قىلىپتى. ال جۇرەك- قان تامىرلارى اۋرۋىمەن اۋىراتىن 75 جاستاعى بوتان ءجۇسىپوۆانى دارىگەرلەر اجالدان اراشالاپ قالۋعا قانشا تىرىسسا دا، ناتيجە بولماعان.  
  دەگەنمەن، ءدىني باسقارما مارقۇمدار قاجىلىق راسىمنەن تىس جەردە كوز جۇمعانىن حابارلادى. بۇگىن سىرتقى ىستەر مينيسترلىگى قاسيەتتى مەككەگە اتتانعان 76 جاستاعى قارتتىڭ دا كوز جۇمعانىن حابارلادى. بيىل اللاعا قۇلشىلىق ەتىپ، عيبادات ەتۋ ءۇشىن مەككەگە 5 مىڭ جەرلەسىمىز اتتانعان ەدى.  

«استانا» ارناسى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى