قازاق عالىمدارى الەم تاريحىن قايتا جازىپ شىقپاق

 قازاق تاريحشىلارى ماروككو، يتاليا، يسپانيا جانە ۆاتيكاننىڭ كىتاپحانالارىندا بولىپ ءدال وسى قۇندى تاريحي اقپارلاردى تاۋىپ اكەلگەن.

باستى قۇندىلىق رەتىندە قارالاتىنى، ءال فارابيدىڭ سيىر تەرىسىنە جازىلعان ون تراكتاتى. ەڭبەكتەر يسپانيانىڭ ەسكۋريال كىتاپحاناسىندا ساقتالعان ەكەن. بۇعان دەيىن عۇلامانىڭ تەك 10 تراكتاتى ءبىزدىڭ تىلگە اۋدارىلىپ بەرىلگەن. ەندى ەجەلگى ەڭبەكتەر سانى ەكى ەسەگە ۇلعايىپ وتىر. ودان بولەك، ۆاتيكاننىڭ كىتاپحانالارىندا عۇنداردىڭ كوسەمى ەدىل قاعان تۋرالى تىڭ دەرەكتەر تابىلعان. سونىڭ باستىسى قايىسقا سالىنعان سۋرەت. وندا ەدىل قاعاننىڭ قازىرگى الەم تانىعانداي باسقىنشى ەمەس ريمدى قيراۋدان ساقتاپ قالعان باتىر ەكەنى سۋرەتتەلىپتى. كارى قۇرلىقتىڭ مۇراعاتتارىن شارلاپ، تىڭ دەرەك ىزدەگەن عالىمداردىڭ باسى قاسىندا ءابساتتار قاجى دەربىسالى ءجۇر ەكەن. باس مۇفتيلىكتەن تۇسكەن سوڭ عىلىممەن اينالىسقانىن ايتا كەتەيىك.

ءابساتتار دەربىسالى،  شىعىس تانۋ ينستيتۋتىنىڭ ديرەكتورى:

- ورتا عاسىرلىق مۇسىلمان ەلدەرىنىڭ عالىمدارى ءال ءفارابيدىڭ 100 دەن استام تراكتات جازعانىن ايتادى. يبن سايد ءال قيفتي دەگەن كىسى 105 تراكتاتىن ايتسا، ۋسايبيعا دەگەن كىسى 110-عا جۋىق تراكتاتتارىنىڭ اتىن اتايدى. ءبىزدىڭ ەلىمىزدە شىققانى 10 نان ءسال اساتىن تراكتاتتارى بەلگىلى.

« KTK»

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى