سەنىمدى جوعالتسام، وتستاۆكاعا كەتۋگە دايىنمىن- اۋىل شارۋاشىلىعى ءمينيسترى
بۇگىن اۋىل شارۋاشىلىعى ەكس- ۆيتسە- ءمينيسترى 10 جىلعا باس بوستاندىعىنان ايىرىلعان بولاتىن.
«ومىريايەۆ تۋرالى اقپاراتتى قالاي قابىلداعانىم جونىندەگى كوپتەگەن سۇراقتارعا بەرەر جاۋابىم - وڭاي بولعان جوق.
مەن ونىڭ كىناسىزدىگىنە سەندىم، قازىر دە سەنەمىن. ول پارانى بوپسالاعان جوق جانە ەڭ باستىسى، قىزمەتتىك بابىن پايدالانا وتىرىپ بىرەۋدىڭ مۇددەسى ءۇشىن ارەكەت (نەمەسە كەرىسىنشە ارەكەتسىزدىك) جاساۋى مۇمكىن ەمەس. العاشقى ينستانتسياداعى سوتتىڭ ۇكىمى ءوز كۇشىنە ەنگەن جوق، سوندىقتان كونستيتۋتسياعا سايكەس جانە زاڭ بويىنشا ول كىناسىز بولىپ تابىلادى. ومىريايەۆتىڭ، ونىڭ قورعاۋشىلارىنىڭ مۇنى دالەلدەپ شىعۋعا مۇمكىندىكتەرى بار. قورىتىندى ۇكىم شىعارۋعا جوعارى تۇرعان سوتتار بار.
جۇمىستان كەتۋگە دايىنمىن با؟ ءيا. ماعان دەگەن سەنىم جوعالعان ساتتە جۇمىستان كەتۋگە دايىنمىن (ايتپاقشى، ومىريايەۆ قاماۋعا الىنعان ساتتەن باستاپ، مەن ەكى رەت وتستاۆكادا بولدىم - 2014 - جىلدىڭ ساۋىرىندە مينيسترلەر كابينەتىنىڭ وتستاۆكاسى كەزىندە جانە تامىزدا ۇكىمەتتى وڭتايلاندىرۋ كەزىندە) .
بۇل مەنىڭ جۇمىسىمدى باعالامايدى دەگەندى بىلدىرە مە؟ جوق. مەن ءوز جۇمىسىمدى وتە باعالايمىن. ماعان قازىرگى جۇمىسىم ۇنايدى. ءتىپتى مەن وعان اۋەسپىن دەۋگە بولادى. باسقالاي بولعان جاعدايدا مۇنداي اۋىر جۇكتى (ءبىرىنشى كەزەكتى مورالدىق تۇرعىدان) كوتەرۋ مۇمكىن بولماس ەدى. جاقسى ناتيجە دە جوق ەمەس (كەلىسەمىن - بۇل جەكە پىكىرىم) . شەشىلمەگەن مىندەتتەر دە جەتەرلىك.
