قازاقستان دۇنيەجۇزىلىك ساۋدا ۇيىمىنىڭ تالاپتارىنا قايشى كەلەتىن سالىقتىق جەڭىلدىكتەردى جويادى

 بۇگىن سەناتتا سالىقتىق تيىمدىلىكتەر ماسەلەسىنە ارنالعان «دوڭگەلەك ۇستەل» وتىرىسىندا ۇلتتىق ەكونوميكا ۆيتسە- ءمينيسترى مارات قۇسايىنوۆ وسىلاي ءمالىم ەتتى.

 توقتالا كەتەتىن جايت، ۇلتتىق ەكونوميكا مينيسترلىگى ءتيىمسىز دەپ سانالاتىن سالىقتىق جەڭىلدىكتەردى جويۋدى ۇسىنعان بولاتىن. بۇل رەتتە ەڭ ءبىرىنشى كەزەكتە دۇنيەجۇزىلىك ساۋدا ۇيىمىنىڭ تالاپتارىنا قايشى كەلەتىن سالىقتىق جەڭىلدىكتەردەن باس تارتۋ كوزدەلىپ وتىر.

«بۇگىن قولدانىستاعى سالىقتىق جەڭىلدىكتەر سانى 281 بولسا، سونىڭ 118 ءى ستاندارتتى، ال 163 ءى ستاندارتتى ەمەس. وسى ستاندارتتى توپقا جاتپايتىن 163 سالىقتىق جەڭىلدىكتەردى جىكتەدىك. سونىڭ ىشىندە سالىقتىق جەڭىلدىكتەردىڭ 64 ءى نەمەسە 39 پايىزى حالىقتىڭ جەكەلەگەن توپتارىنا قوسىمشا قولداۋدى قاراستىراتىن الەۋمەتتىك سالىقتىق جەڭىلدىكتەر بولىپ وتىر. ال سالىقتىق جەڭىلدىكتەردىڭ 67 ءىسى نەمەسە 41 پايىزىن ءوندىرىستى دامىتۋ مەن جاڭعىرتۋعا، ەكونوميكانىڭ باسىمدىق بەرىلگەن سالالارىنا، وندىرىسكە جاڭا تەحنولوگيالار ەنگىزۋگە قاتىستى ەكونوميكالىق سالىقتىق جەڭىلدىكتەر قۇرايدى»، - دەيدى م. قۇسايىنوۆ.

ونىڭ ايتۋىنشا، سالىقتىق جەڭىلدىكتەردى قولدانۋ تيىمدىلىگىن باعالاۋ جۇمىستارى نەگىزىنەن بيۋدجەتتىك، الەۋمەتتىك جانە ەكونوميكالىق تيىمدىلىكتەر بويىنشا جۇزەگە اسقان. «وسىنداي كريتەرييلەر نەگىزىندە ءبىز ءبىرىنشى كەزەكتە جويىلۋى ءتيىس سالىقتىق جەڭىلدىكتەردى ايقىندادىق، بۇلار - ۋاقىتشا، جەكەلەگەن جانە دسۇ ەنۋ بارىسىندا ۇيىم تالاپتارىنا قايشى كەلەتىن سالىقتىق جەڭىلدىكتەر» ، - دەپ اتاپ ءوتتى ۆيسە- مينيستر قۇسايىنوۆ.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى