ءۇرىمجى قالاسىنىڭ باسشىسىن الماتى قالاسىنىڭ اكىمى قابىلدادى

كەزدەسۋ بارىسىندا احمەتجان ەسىموۆ قازاقستان مەن قىتاي اراسىنداعى قارىم-قاتىناستىڭ تۇراقتى تۇردە دامىپ جاتقاندىعىن اتاپ ءوتتى. مۇندا ەكى ەل باسشىلارى نۇرسۇلتان نازاربايەۆ پەن شي جينپيننىڭ قوسقان ۇلەسى مول ەكەنى داۋسىز.

«ءبىزدىڭ ەلدەرىمىزدىڭ باسشىلارى الداعى 2015-جىلى سىرتقى تاۋار اينالىمىن 40 ميلليارد ا ق ش دوللارىنا جەتكىزۋ مىندەتىن العا قويىپ وتىر. وتكەن جىلى ول 22,5 ميلليارد ا دوللار بولعان ەدى. ونىڭ تورتتەن ءبىر بولىگى، ياعني 5,5 ميلليارد ا دوللارى الماتىعا تيەسىلى. ىسكەرلىك بايلانىس يندۋستريا، يننوۆاتسيا، تۋريزم، سپورت، مادەنيەت، دەنساۋلىق ساقتاۋ، كولىك، اۋىل شارۋاشىلىعى جانە باسقا دا سالالاردا كەڭىنەن قانات جايۋدا»، - دەدى احمەتجان ەسىموۆ.

سونىمەن قاتار كەزدەسۋدە الماتى اكىمى قازاقستان پرەزيدەنتىنىڭ بيىلعى جىلدىڭ مامىر ايىندا ق ح ر-نا جاساعان ساپارىندا الماتىنى جاڭا «جىبەك جولىنىڭ» ورتالىعى رەتىندە تانۋ تۋرالى ۇسىنىس جاساعانىن ايتتى.

ءوز كەزەگىندە ءۇرىمجى قالاسىنىڭ باسشىسى يلحام سابىر ەكى قالانىڭ گەوساياسي جانە ەكونوميكالىق ماڭىزدىلىعىنا توقتالدى.

«الماتى مەن ءۇرىمجى - جىبەك جولىنىڭ ەكى ءىرى ءارى ماڭىزى زور قالالارى. ءبىز ساۋدا مەن ەكونوميكا سالاسىندا ىسكەرلىك بايلانىستى ودان ءارى نىعايتامىز دەگەن سەنىمدەمىز»، - دەدى يلحام سابىر.

اۆتور: جاپپاربەرگەن ايبوتا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى