توسەكتە ولگەن قاي قىرعىزدى كورىپ ەدىڭ؟
ارمان سقابىل ۇلى، جۋرناليست:
قىرعىز باۋىرلارىمىز تۇسىرگەن «قۇرمانجان داتقا» فيلمىن كوردىك. ۇلتتىق رۋحتى كوتەرەتىن دۇنيەلەرگە سۋساپ وتىرعان اعايىنعا كورەتىن- اق كينو ەكەن. قىرىق رۋلى قىرعىزدىڭ باسىن قوسقان باتىر ايەلدىڭ وبرازىن كەرەمەت سومداپ شىققان. ەل باسىنا كۇن تۋعاندا اتقان قونعان ەرلەردىڭ بەينەسىن فيلمدە ايتىلعان ءبىر- اق اۋىز ءسوز تۇيىندەپ تۇر. قىرعىز ات ۇستىندە جاۋىمەن شايقاسىپ ولەدى.
«توسەكتە ولگەن قاي قىرعىزدى كورىپ ەدىڭ؟!» .
فيلم اۆتورلارى دا نەگىزگى يدەيا - قىرعىز بىرلىگى، قىرعىز رۋحى ەكەنىن اشىپ ايتتى. فيلمنىڭ بيۋدجەتى 1 ميلليون 400 مىڭ دوللار ەكەن. ايىر قالپاقتى اعايىن ءۇشىن بۇل ۇلكەن قاراجات. از اقشانى شاما شارقىنشا جەتكىزۋگە تىرىسقاندارى كورىنىپ تۇر. دەگەنمەن قاراجاتتىڭ از بولعاندىعى كەيبىر جۇتاڭ دەكوراتسيا مەن سەلدىرماسسوۆكادان اڭعارىلادى. سەناريىندە دە كەمشىلىكتەر بار. باس كەيىپكەردىڭ توقسان التى جىلدىق عۇمىرىن ەكى ساعاتتىق كينوعا سىيدىرامىز دەپ كينونىڭ كوركەمدىك ساپاسىن تومەندەتىپ، بايانداۋعا ۇرىنعاندارى بايقالادى. ءبىزدىڭ «جاۋ جۇرەك مىڭ بالامىز» اتالعان فيلمنەن اناعۇرلىم جوعارى دەپ سەنىممەن ايتا الامىن. ال، ەكەۋىنىڭ بيۋدجەتىن سالىستىرۋ - باسقا اڭگىمەنىڭ تاقىرىبى.
«ايقىن»
