بەيجىڭدە ەۋرازيالىق كەڭىستىكتەگى گەوساياسي احۋال مەن قازاقستان-قىتاي قاتىناستارى ماسەلەلەرى تالقىلاندى
بۇل تۋرالى ق ر س ءى م باسپا ءسوز قىزمەتىنەن حابارلادى.
«دوڭگەلەك ۇستەلگە» قاتىسۋشىلار قازىرگى گەوساياسي جاعدايدا قازاقستان-قىتاي قاتىناستار دامۋدىڭ تيىمدىلىگىن ارتتىرۋ، ەكىجاقتى تاۋار اينالىمى كولەمىن ۇلكەيتۋ ماسەلەلەرىن، سونداي-اق ەۋرازيالىق ەكونوميكالىق وداعى (ە ا ە و) قۇرىلۋىن جانە ونىڭ ەكى ەل اراسىنداعى ىنتىماقتاستىققا اسەرىن تالقىلادى.
ق ح ر-داعى ق ر ەلشىسى نۇرلان ەرمەكبايەۆ قىتاي قازاقستاننىڭ ەڭ ءىرى سىرتقى ساۋدا ارىپتەسى ەكەنىن جانە ەكىجاقتى ىقپالداستىقتى قارقىندى دامۋى ق ر سىرتقى ساياساتىنىڭ ەڭ نەگىزگى باسىمدىعى بولىپ قالاتىندىعىن ايتتى. ول قازاقستاننىڭ كومىر، فوسفورلىق تىڭايتقىشتار، مەتالل بۇيىمدار، اۋىل شارۋاشىلىعى ونىمدەرىن قىتايعا ەكسپورتتاۋدا الەۋەتىنىڭ مول ەكەندىگىنە باسا نازار اۋداردى.
ن. ەرمەكبايەۆ ۇستىمىزدەگى جىلعى قاڭتاردا ق ر پرەزيدەنتى ن. نازاربايەۆتىڭ حالىققا جولداۋىندا قويعان ناقتى مىندەتتەرى جانە ولاردى ىسكە اسىرىلۋىنىڭ بارىسىمەن قاتىسۋشىلاردى حاباردار ەتتى.
قىتايلىق ساراپشىلار ە ا ە و-نىڭ قۇرىلۋى قازاقستاندا قىتايدىڭ كاسىپورىندارىنا جانە ينۆەستورلارىنا جاڭا مۇمكىنشىلىك اشاتىنى جانە ۇزاق مەرزىمدى كەلەشەكتە وڭ اسەرىن تيگىزەتىنى تۋرالى پىكىرلەرىن ءبىلدىردى.
سونىمەن قاتار، ولار ونىمدەر ستاندارتتارىنىڭ، كەدەندىڭ باجداردىڭ كوتەرىلۋى قازاقستان-قىتاي ساۋداسىنا كەلەڭسىز اسەر ەتۋ مۇمكىندىگى جايلى دا ايتتى.
ءبىرقاتار ساراپشىلار قازاقستاننىڭ د س ۇ-عا جاقىن ارادا كىرۋى ق ر مەن ق ح ر اراسىنداعى ساۋدا كولەمىنىڭ ارتۋىنا جانە ءارتاراپتاندىرىلۋىنا ىقپال ەتەتىنى تۋرالى بولجامدارىن ءبىلدىردى.
ەكىجاقتى ىقپالداستىقتىڭ كەلەشەكتەرى مەن پروبلەمالارى تۋرالى اگىمە قوزعالعاندا، قىتايلىق ساراپشىلار قازاقستاننىڭ كەدەندىك جانە ۆيزالىق ساياساتىن جەتىلدىرۋ، جوعارى تەحنولوگيالىق جانە يننوۆاتسيالىق ءوندىرۋ سالاسىندا ىنتىماقتاستىقتى جانداندىرۋ قاجەتتىلىگىنە نازار اۋداردى.
تالقىلاۋ بارىسىندا قاتىسۋشىلار قازاقستان مەن قىتاي اراسىنداعى كولىك، ينفراقۇرىلىمدى قۇرۋ، تۋريزم جانە باسقا سالالارداعى ىنتىماقتاستىقتى تەرەڭدەتۋ بويىنشا پىكىرلەرى مەن ناقتى ۇسىنىستارىن ورتاعا سالدى.
اتالعان شاراعا ق ح ر مەملەكەتتىك كەڭەسى جانىنداعى دامۋ ماسەلەلەرى زەرتتەۋ ورتالىعىنىڭ ەۋرازيالىق قوعامدىق دامۋ ينستيتۋتىنىڭ باسشىسى چجاو چانتسين، قىتاي حالىقارالىق زەرتتەۋ اكادەمياسىنىڭ ەۋرازيا ينستيتۋتى ديرەكتورىنىڭ ورىنباسارى لي تسزىگو، قىتاي قوعامدىق عىلىمدار اكادەمياسىنىڭ رەسەي، شىعىس ەۋروپا جانە ورتالىق ازيا ينستيتۋتى و ا ءبولىمىنىڭ باسشىسى ۋ حۋنۆەي جانە باسقالارى قاتىستى.
