گولوۆكين بوراتتان قازاقستاننان شىققان ەڭ تانىمال ادام اتاعىن تارتىپ الدى

«ەگەر مەن الەم چەمپيونى اتاعىنا قول جەتكىزسەم، وندا مەنىڭ گولوۆكينمەن قايتادان كەزدەسكىم كەلەدى. مەن ونى ۇرىپ تاستايتىنىما سەنىمدى ەمەسپىن. ويتكەنى ونى ورتا سالماقتاعى الەمنىڭ ەڭ ۇزدىك بوكسشىسى دەپ سانايمىن. ءبىراق مەن ونىڭ كوزىنە كوك شىبىن ۇيمەلەتىپ، قارسىلىق كورسەتە الامىن. وتكەن جولى مەن ونداي قارسىلىق كورسەتە الماعان ەدىم. ونىمەن جەكپە-جەككە شىعۋ ءۇشىن تاعى دا بارىن ورتاعا قويار ەدىم. گەننادي گولوۆكين ەندىگى بوراتتان قازاقستاننان شىققان ەڭ تانىمال ادام اتاعىن الىپ الدى. ەگەر ول وسى بەتىنەن قايتپاسا، وندا سالماق دارەجەسىنە قاراماي ەڭ ۇزدىك بوكسشى اتانعان فلويد مەيۆەزەر- كىشىنى دە تاعىنان اۋىستىرادى»، - دەپ مالىمدەدى ماكلين.

ەستەرىڭىزگە سالا كەتەيىك، گەننادي گولوۆكين مەن مەتيۋ ماكلين رينگتە 2013-جىلدىڭ 30- ماۋسىمىندا كەزدەسكەن. وندا قازاقستان بوكسشىسى بريتاندىقتى ءۇشىنشى مينۋتتا-اق نوكاۋتقا تۇسىرگەن.

قوسارىمىز، گولوۆكين كەلەسى جەكپە-جەگىن 18- قازان كۇنى مەكسيكالىق ماركو انتونيو رۋبيومەن وتكىزەدى. قازاقستاندا بۇل جەكپە-جەكتى KazSport تەلەارناسىنان، 19- قازان كۇنى تاڭەرتەڭگى ساعات 08:30-دا كورۋگە بولادى.

بۇعان دەيىن باسپا سوزدە «ەگەر ناقتى ءبىر جانە مەيىلىنشە شىنايى وقيعالار جەلىسى جۇزەگە اسسا»، وندا گەننادي گولوۆكيننىڭ مەتيۋ ماكلينمەن تاعى دا ايقاسۋى مۇمكىن دەپ جاريالانعان ەدى.

Tengrinews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى