قىزىل كىتاپقا ەنگەن قۇستى ازاپتاعان پاۆلودارلىق ۇستالدى - كەسكىن
ەسكە سالا كەتەيىك، بۇل بەينەجازبادا جاستار موتورلى قايىقپەن جارالى ءبىرقازاندى قۋىپ جەتىپ، قۇستىڭ تۇمسىعىن كۇشتەپ اشقانى كورسەتىلگەن. بەينەجازبا «كەيىپكەرلەرىنىڭ» ءبىرى 28 جاستاعى پاۆلودارلىق ەكەنى انىقتالدى. ول ءوز كىناسىن مويىندادى. قازىر پوليتسيا وسى فاكتى بويىنشا تەرگەۋالدى امالدارىن جۇگىزۋدە.
ايتا كەتەيىك، ءبىرقازان قۇستارى قىزىل كىتاپقا ەنگىزىلگەن. ال ق ر ق ك-ءنىڭ 290-بابى بويىنشا «ق ر قىزىل كىتابىنا ەنگىزىلگەن سيرەك كەزدەسەتىن جانە جوعالۋدىڭ از-اق الدىنداعى جانۋارلار مەن وسىمدىكتەردى زاڭسىز اۋلاۋ، وتكىزۋ جانە جويعانى ءۇشىن» ءۇش جىلعا دەيىن باس بوستاندىعىنان ايىرۋ نەمەسە مۇلكىن تاركىلەۋمەن ءدال سول مەرزىمگە باس بوستاندىعىنان ايىرۋ كوزدەلگەن.
