ەۋرو وداق پەن ا ق ش ءوز نارىقتارىن بىرىكتىرمەك
ال ەۋروپا ەلدەرىنىڭ تۇرعىندارى بۇل جاڭالىققا نارازىلىق تانىتىپ وتىر. ولاردىڭ پىكىرى بويىنشا، ورتاق نارىقتىڭ اسەرىنەن تۇتىنۋ جانە ەكولوگيالىق ستاندارتتار تومەندەپ كەتۋى مۇمكىن.
«ترانس اتلانتيكالىق وداق كەلىسىمىنىڭ كەلەشەگى زور. ەكى جاققا دا ءتيىمدى. ەڭ باستىسى، كارى قۇرلىق ءۇشىن جاڭا مۇمكىندىكتەر پايدا بولادى» ، - دەيدى قۇجاتتى قولداۋشى قاۋىم. ەگەر وعان قول قويىلسا، ساۋدا- ساتتىق پەن ينۆەستيتسيالاردىڭ ۇلەسى الەمدىك جالپى ىشكى ءونىمنىڭ 1/5 قۇرايتىن بولادى.
ازىرگە جاي- جاپسارى قاراستىرىلىپ جاتقان كەلىسىمدى كەيبىر ساراپشىلار «ناتو- نىڭ ەكونوميكالىق ۇلگىسى» دەپ تە اتاپ كەتكەن. قازىر ەۋرو وداق پەن ا ق ش اراسىندا كۇنىنە 2 ميلليارد ەۋروعا تاۋار الماسادى. ال مۇحيتتىڭ ارعا بەتى مەن بەرگى بەتىندەگى ەلدەر ءۇشىن سالىقتارعا جەڭىلدىك جاسالعان كۇنى ەكى جاق 60 ميلليارد ەۋرودان ساقتاپ قالا الادى.
ۆاشينگتون مەن بريۋسسەلدىڭ وسى ماسەلە جونىندە كەلىسسوزدەر جۇرگىزىپ كەلە جاتقانىنا ءبىر جىل بولدى. وڭاي شەشىلەر ءتۇيىن جوق. ەۋروپا تاراپى ءوزىنىڭ ايماعىنا امەريكالىق گەندى موديفيكاتسيالانعان ونىمدەردى كىرگىزۋگە ءۇزىلدى- كەسىلدى قارسى. حالىقتىڭ نارازىلىعىن تۋدىرىپ وتىرعان تاعى ءبىر جايت - ەۋرو كوميسسيا ا ق ش- پەن جاسالىپ جاتقان كەلىسسوزدەردىڭ بارىسىن جۇرتشىلىققا جاريا ەتپەۋى. دەگەنمەن، حالىقتىڭ ايتۋىنشا، ونىڭ جاي- جاپسارى حالىقارالىق كورپوراتسيالارعا ايان. سول سەبەپتى دە نارازىلىق شارالارى كوبىنە ەۋروپا ەلدەرىندە وتۋدە. ەۋرو وداق بيۋدجەتىنىڭ 38 پايىزى اۋىلشارۋاشىلىققا ارنالعان سۋبسيديالارعا جۇمسالادى. سوندىقتان اشىق نارىققا ءوتۋ كەزىندە مۇنداي ءتيىمسىز سالاعا قولداۋ كورسەتىلۋى ەكىتالاي. ال فرانسيا گولليۆۋد تالابىنا ساي، ءوزىنىڭ كينو وندىرىسىنە جەڭىلدىك جاساۋىن توقتاتپاق ەمەس. يتاليانىڭ دا بۇل رەتتە ايتارى بار. امەريكادا وندىرىلەتىن پارمەزان سياقتى ۇلتتىق ىرىمشىك ونىمدەرىن ءوز تاۋار نارىعىنا كىرگىزگىسى جوق.
گۆينەل مارتين، بەلگيالىق ساۋدا قاۋىمداستىعىنىڭ وكىلى:
- ءبىز قارسىمىز! اۋىلشارۋاشىلىق ونىمدەرىنە كەلگەندە امەريكالىق جانە ەۋروپالىق سانيتارلىق نورمالار ءبىر- بىرىمەن مۇلدە كەلىسپەيدى. ا ق ش- تىڭ ونىمدەرى ادام اعزاسىنا قاۋىپتى. ال ونسىز دا اپتاسىنا 40 قا جۋىق فەرمانىڭ جۇمىسى جۇرمەي، جابىلىپ جاتقاندا، ءبىزدىڭ نارىققا ا ق ش تاۋارى لاپ بەرگەن كۇنى بۇل جاعدايدىڭ ۋشىعا تۇسەرى ءسوزسىز.
ايۆون دەتنيۋت، فەرمەر:
- باسكەلەستىككە توتەپ بەرۋ ءۇشىن ءونىم ساپاسىن تومەندەتۋگە تۋرا كەلەدى. سوسىن تاياق ەۋروپالىقتارعا كەلىپ تيەدى. وعان قوسا، ءبىزدىڭ كليماتتارىمىز ءارتۇرلى. ەۋروپانىڭ تۋرا امەريكاعا ۇقساۋى مۇمكىن ەمەس.
ساراپشىلاردىڭ پايىمداۋىنشا، كەلىسسوزدەر ناتيجەسى قاراشا ايىندا بەلگىلى بولماق. الايدا ونىڭ ءساتتى اياقتالۋىنا كوپ ءجايت اسەر ەتۋى مۇمكىن. بىرىنشىدەن، تاياۋدا عانا ەۋرو وداق باسشىلىعىنداعى نەگىزگى تۇلعالار اۋىستى. ەكىنشىدەن، جۋىق ارادا ا ق ش كونگرەسمەندەرىنىڭ سايلاۋى وتەدى. ال ەۋروپاداعى قارجىلىق داعدارىستى قاتاڭ ۇنەمدەۋ شارالارى ارقىلى عانا جويۋ مۇمكىن ەمەس. الايدا، قايشىلىقتارعا تولى كەلىسىم ەۋروپانىڭ كوزىن اشادى دەۋگە ءالى ەرتە.
«حابار» ارناسى
