اقمولا وبلىسىندا اۋىل ىشىندە شاعىن اۋدان تۇرعىزىلۋدا

«قاراشا ايىندا اۋىل ىشىندە 15 ۇيدەن تۇراتىن شاعىن اۋداندى پايدالانۋعا بەرۋدى جوسپارلاپ وتىرمىز. مۇنداعى ماقساتىمىز - اۋىل تۇرعىندارى ءۇشىن قولايلى، قالاداعىداي جاعدايلار جاساۋ، سونداي-اق ەلباسى تاپسىرمالارىنا سايكەس جاس كادرلاردى ورنىقتىرۋ ءۇشىن الەۋمەتتىك بازا قۇرۋ»، - دەيدى «پودگورنوە» ج ش س-ءنىڭ ديرەكتورى بەيبىتجان مولداحانوۆ.

جاڭادان سالىنىپ جاتقان شاعىن اۋدانداعى 8 ۇيدە بارلىق جاعداي جاسالىنعان. ءۇيدىڭ ماڭى اباتتاندىرىلىپ، ىستىق جانە سۋىق سۋ تارتىلعان. سونداي-اق، اۋىل بولعان سوڭ مال قوراسى، گاراجدا تۇرعىزىلعان. جىلۋ دا ءبىر ورتالىقتاندىرىلعان. ال ءۇيدىڭ ىشىنە كەلەتىن بولساق، قالاداعى كوپ قاباتتى ۇيدەگى پاتەرلەر سياقتى قازىرگى زامانعا لايىقتالعان. ءاربىر ءۇيدى تۇرعىزۋ ءۇشىن «پودگورنوە» ج ش س-ءى 15 ميلليون تەڭگەگە جۋىق قاراجات بولگەن. ءبىرىنشى كەزەكتە ۇيلەر پودگورنوە اۋىلىندا تۇراتىن ارداگەرلەر مەن جاس ماماندارعا بەرىلمەكشى.

«ءبىزدىڭ ماقساتىمىز اۋىل تۇرعىندارىنا قولايلىلىق جاساۋ بولىپ تابىلادى. جاقسى جابدىقتالعان ۇيلەر، ساپالى اسفالت توسەلگەن جول، بالالار مەن سپورت الاڭدارى وسىنىڭ ءبارى پودگورنىيلىقتاردىڭ يگىلىگى ءۇشىن جاسالىنىپ جاتقان شارۋا»، - دەيدى ب. مولداحانوۆ.

اۆتور: اسلان وسپانوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى