دەنساۋلىق ساقتاۋ ءمينيسترىن ارتىق سالماعى ءۇشىن جۇمىستان شىعارۋى مۇمكىن

ونىڭ ءبارى شەنەۋنىكتىڭ سالماعىنىڭ 128 كەلى بولۋىنا بايلانىستى ەكەن. كوپتەگەن ازاماتتاردىڭ پىكىرىنشە، مۇنداي ادام سالاۋاتتى ءومىر سالتىن ۇستاناتىندارعا ۇلگى بولا المايدى، دەپ حابارلايدى Mirror .

شىن مانىسىندە، مەگگي دە بلوك بەلگياداعى ەڭ تانىمال ساياساتكەرلەردىڭ ءبىرى سانالادى. كەيبىر ساراپشىلار وعان پرەمەردىڭ ورنى دا لايىق دەپ سانايدى. الايدا، جاقىندا بيلىككە كەلگەن ونى دەنساۋلىق ساقتاۋ ءمينيسترى ەتىپ تاعايىنداعانىنا جەرگىلىكتى جۋرناليستەر تاڭىرقاپ قالدى.

«سپورت پەن دۇرىس تاماقتانۋعا بايلانىستى مىندەتتى ول قالاي اتقارادى»، - دەيدى كەيبىر ب ا ق وكىلدەرى. بەلگيا ءۇشىن بۇل ەرەكشە ماڭىزدى، سەبەبى، ستاتيستيكاعا سايكەس، ەل حالقىنىڭ شامامەن 47 پايىزى ارتىق سالماقتان زارداپ شەگەدى.

ال بلوك حانىمنىڭ ءوزى بولسا قانداي دا ءبىر تۇسىنىكتەمە بەرمەي ءجۇر. «ماعان مەنىڭ سىرتقى كەيپىمە قاراپ باعا بەرۋدىڭ قاجەتى جوق. قانشا دەگەنمەن، مەن توپ-مودەل ەمەس، ساياساتكەرمىن»، - دەيدى شەنەۋنىك.

وسىعان دەيىن مەگگي دە بلوك يمميگراتسيا ىستەرى ءمينيسترىنىڭ ورنىندا وتىردى. سول كەزدە بەلگيا ازاماتتىعىن العىسى كەلگەندەرگە وڭاي بولعان جوق. بەلگيادا باسپانا الۋعا بايلانىستى كەرى قايتارىلعان وتىنىشتەر شامامەن ەكى ەسە ءوستى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى