شەتەلدىكتەردىڭ قازاقستاندىق اۆتورلاردىڭ شىعارمالارىنا قىزىعۋشىلىقتارى ارتۋدا

ەكىنشى بايقاۋ-فەستيۆالداعى ەرەجەلەر مەن قاتىسۋ تالاپتارىندا ەش وزگەرىس بولمايدى. وزگەرىس تەك قازاقستاندىق اۆتورلاردىڭ شىعارمالارىنىڭ تىزىمىندە بولماق، دەمەك ەندى قاتىسۋشىلاردا تاڭداۋ مۇمكىندىگى كوبىرەك. ءبىرىنشى جىلى الەمنىڭ تۇكپىر-تۇكپىرىنەن كەلگەن جاس پيانيستەردىڭ تاۋداۋىنا قازاقستاندىق تانىمال اۆتورلاردىڭ 30 دان اسا شىعارمالارى عانا ۇسىنىلعان بولاتىن، اعىمداعى جىلى ءتىزىم سانى 85 شىعارماعا دەيىن ارتتى. ەندى قىسقا اندىك شىعارمالاردان باسقا، قاتىسۋشىلار تاڭداۋىنا كۇردەلى جانە ۇزاق شىعارمالار ۇسىنىلماق.

«بايقاۋ سايتىنا ورنالاستىرۋ ءۇشىن قازاقستاندىق كومپوزيتورلاردان ءوز شىعارمالارىن بىزگە، ياعني ۇيىمداستىرۋ كوميتەتىنە جىبەرۋلەرىن سۇرايمىز. 2014-جىلى قازاقستاندىق اۆتورلاردىڭ شىعارمالارى بايقاۋ سايتىنان 10000 عا جۋىق رەت جۇكتەلىپ الىندى. بايقاۋعا دەگەن قىزىعۋشىلىق زور، ءار ەلدەن كەلەتىن قاتىسۋشىلار - جاس پيانيستەر ءبىزدىڭ شىعارمالارىمىزدى ۇيرەنە وتىرىپ، ەلىمىزدىڭ مادەنيەتىمەن دە تانىسادى. ءبىز وسى بالالاردىڭ بىرنەشە جىلداردان سوڭ فورتەپينو ونەرىنىڭ ناعىز جۇلدىزدارى بولاتىنىنا سەنەمىز»، - دەيدى «Astana Piano Passion» قوعامدىق قورىنىڭ ديرەكتورى ەلەنا كوروبەينيكوۆا.

اتاپ ايتقاندا، قازاقستاندىق كومپوزيتورلاردىڭ شىعارمالارىن رەسەي، ت م د، ەۋروپا جانە سولتۇستىك امەريكا تۇرعىندارى عالامتوردان ءجيى جۇكتەپ الادى ەكەن.

ەستەرىڭىزگە سالا كەتەيىك، «Astana Piano Passion» بايقاۋىنا ەكى جىل كولەمىندە 64 ەلدەن 252 جاس پيانيست قاتىستى. بايقاۋدىڭ جۇلدە قورى 60000 ا ق ش دوللارىن قۇرايدى. «2015 Astana Piano Passion» بايقاۋىنا قۇجاتتاردى قابىلداۋ astana-app.kz/ru سايتىندا 2014-جىلدىڭ قاراشا ايىندا باستالادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى