قازاقستان رەسەيدە سوتتالعان مانياكتى ەلىمىزدە جازاسىن وتەۋ ءۇشىن قابىلداۋدان باس تارتتى - ي. مەركەل

بۇل تۋرالى بۇگىن پارلامەنت ءماجىلىسىنىڭ جالپى وتىرىسىندا باس پروكۋروردىڭ ورىنباسارى يوگان مەركەل ءمالىم ەتتى.

 ەسكە سالساق، جالپى وتىرىستا «قازاقستان رەسپۋبليكاسى مەن يتاليا رەسپۋبليكاسى اراسىنداعى سوتتالعان ادامداردى بەرۋ تۋرالى شارتتى راتيفيكاتسيالاۋ تۋرالى» زاڭ جوباسى ماقۇلدانعان بولاتىن.

 «جاقىندا عانا ءبىز رەسەيدە سوتتالعان ازاماتىمىزدى قابىلداۋدان باس تارتتىق. ول ءبىرقاتار جىنىستىق سيپاتتاعى اۋىر قىلمىستارى ءۇشىن سوتتالعان ەدى. شىندىعىندا، ول ناعىز جەڭسىكقۇمار مانياك (ادام ولتىرگىش)، 24 جىلعا سوتتالعان بولاتىن»، - دەدى باس پروكۋرور ورىنباسارى دەپۋتاتتار ساۋالىنا جاۋاپ بەرە وتىرىپ.

ونىڭ ايتۋىنشا، مۇنداي شەشىم نەگىزىنەن الگىندەي مانياكتىڭ ەلىمىزدە جازاسىن وتەپ، كەيىن بوستاندىققا شىعۋى ەلىمىزدىڭ ۇلتتىق مۇددەلەرىنە قايشى كەلەتىندىكتەن قابىلدانىپ وتىر. «سوسىن ەگەر ءوز وتانىندا جازاسىن وتەۋ تۋرالى سوتتالۋشى ءوتىنىش جاساپ، ال وعان قازاقستاندا تاعايىندالاتىن جازا جەڭىلدەۋ بولسا، وندا دا سوتتالعاندار ءۇشىن باس تارتىلادى»، - دەيدى ي. مەركەل.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى