تۇركيا ۇشاقتارىنىڭ موتورىنان ارابشا جازۋلار تابىلدى - فوتو
قازاننىڭ 12- كۇنى المانيانىڭ نيۋرنبەرگ قالاسىنا ۇشقالى تۇرعان تۇرىك اۋە جولدارىنا تيەسىلى ۇشاقتىڭ موتورىنان ارابشا جازۋى بار قاعاز تابىلدى. ۇشاقتى ۇشۋعا ازىرلەپ جاتقان قىزمەتكەرلەر بۇل جازۋلار جايىندا دەرەۋ ورتالىققا حابارلايدى. اتاتۇرىك اۋەجايىنىڭ قاۋىپسىزدىك قىزمەتكەرلەرى دە بۇل جازۋلاردا نە جازىلعانىن، كىمنىڭ جانە قانداي ماقساتتا جازعاندارىن انىقتاۋ جۇمىستارىنا كىرىسەدى. انىقتاۋ بارىسىندا مۇنداي جازۋلار تاعى دا ءۇش ۇشاقتان شىعىپ، تۇرىكتەردى ودان سايىن قورقىتا تۇسەدى.
الايدا، زەرتتەۋ جۇمىستارىنىڭ ناتيجەسىندە بۇل ارابشا جازۋلاردىڭ ەشقانداي دا قورقىنىشتى دۇنيە ەمەس ەكەنىنە كوز جەتكىزەدى. موتوردان تابىلعان جازۋلار بار بولعانى «بەرەكەت دۇعاسى» بولىپ شىققان.
اۋەجايدىڭ قاۋىپسىزدىك قىزمەتى بۇل جازۋلاردى موتورعا كىمنىڭ جابىستىرعانىن كامەرالاردان ىزدەپ كوردى. الايدا، ۇشاقتاردىڭ تۇرعان جەرىندە كامەرالار بولماي شىققان. سوندىقتان دا، بۇل دۇعالاردى كىمنىڭ جابىستىرعانى انىقتالمادى.
