جەتەكشى الەمدىك بيرجالاردا مۇناي باعاسى كۇرت قۇلدىرادى

سونىمەن، 2014 - جىلعى 14 - قازانداعى ساۋدا- ساتتىق ناتيجەسى بويىنشا نيۋ- يوركتەگى New York Mercantile Exchange (NYMEX) مەرزىمدى تاۋار بيرجاسىنا WTI (Light Sweet) مۇنايىنىڭ رەسمي باعاسى $3,90-عا (Light Sweet) ءتۇسىپ، باررەلىنە $81,84 قۇرادى، دەپ حابارلادى ۋترو. رۋ.

سونىمەن قاتار 14- قازانداعى ساۋدا- ساتتىق ناتيجەسى بويىنشا IСE Futures Europe ەلەكتروندىق تاۋار بيرجاسىندا Brent مۇنايىنىڭ رەسمي باعاسى $3,85-عا ءتۇسىپ، باررەلىنە $85,04 قۇرادى.

 مۇنايعا باعانىڭ قۇلدىراۋى الەمدىك ۇسىنىستىڭ ءوسىپ، سۇرانىستىڭ تومەندەۋىنەن ورنى الۋدا. حالىقارالىق ەنەرگەتيكالىق اگەنتتىك 14 - قازاندا مۇنايعا الەمدىك ورتا تاۋلىكتىك سۇرانىستىڭ 1,3 ميلليون بارەلدەن 700 مىڭعا دەيىن ءوسىم بولجامىن تومەندەتتى. I حالىقارالىق ەنەرگەتيكالىق اگەنتتىك 2014 - جىل بويى الەمدە مۇنايدى ورتاشا تاۋلىكتىك تۇتىنۋ 92,4 ميلليون بارەلدى قۇرايدى دەگەن بولجام جاساپ وتىر.

 سونىمەن قاتار، اعىمداعى جىلعى قىركۇيەكتە الەمدىك نارىققا مۇناي جەتكىزۋ كۇنىنە 910 مىڭ باررەلگە - كۇنىنە 93,8 ميلليون باررەلگە دەيىن ۇلعايدى. بۇل كورسەتكىش ءبىر جىل بۇرىنعىعا قاراعاندا، 2,8 ميلليون بارەلگە ارتىق.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى