ا ق ش-تا ەلەس اۋىل ساتىلىمعا شىعارىلدى - كەسكىن

كوننەكتيكۋت شتاتىنداعى جونسوۆيلل اۋىلى - جالپى اۋماعى 25 گەكتار جەرگە ورنالاسقان 8 ۋچاسكەدەگى جەكە ۇيلەرى، اعاش بوگەتى، دۇكەنى، شىركەۋى، كوپىرى مەن كوز تارتارلىق سارقىراماسى بار ەلسىز مەكەن.

لوت Auction.com سايتىنداعى ينتەرنەت- اۋكسيونعا ساتىلىمعا شىعارىلعان. ونىڭ سيپاتتاماسىندا جازىلعانداي، اۋىل  ⅩⅨ عاسىر قۇندىلىعى بولىپ تابىلادى، سوعان قاراماستان  XXI عاسىردا دا ءتۇرلى ماقساتتارعا جارامدىلىعىن جوعالتپاعان: ءبىر وتباسىنىڭ جەكەمەنشىك مەكەنى نەمەسە كوپپاتەرلى ۇيلەرى بار ەلدى مەكەن قىزمەتىن اتقارا الادى. اۋىل اۋماعىندا مەيرامحانا، ونەر مەن كوڭىل كوتەرۋ ورتالىقتارى، مەكتەپتەر مەن دۇكەندەر قۇرىلىسىنا رۇقسات ەتىلگەن. ساتىلىم 28 - قازانعا بەلگىلەنىپ وتىر. باستاپقى باعاسى $800000.

جونسوۆيلل اۋىلى حارتفوردتان جارتى ساعاتتىق، نيۋ-يورك پەن بوستوننان ەكى ساعاتتىق جەردە ورنالاسقان. ونىڭ ىرگەسى 1942 - جىلى قالانعان، حالىقتىڭ باسىم بولىگى ديىرمەندە جۇمىس ىستەگەن. 1970 - جىلى ديىرمەن جابىلىپ، ەلدەر ۇيلەرىن تاستاپ كوشىپ كەتكەن. قازىر ونى ەلەس اۋىل دەپ اتايدى.

BNews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى