قىزىلوردا ءوڭىرىنىڭ ەلدى مەكەندەرىن «دەنساۋلىق» پويىزى ارالاپ ءجۇر

بۇل پويىز شالعايداعى ستانسالار، رازەزدەر مەن ولاردىڭ ماڭىنداعى اۋىل تۇرعىندارىنا مامانداندىرىلعان تەگىن مەديتسينالىق كومەك كورسەتۋگە ارنالعان. ول 11- قازاننان باستاپ ايماقتاعى بەلكول ستانساسىندا تۇرعىندارعا مەديتسينالىق كومەك كورسەتتى. ماماندىرىلعان مەديتسينالىق پويىز 18 كۇن اعىمىندا قىزىلوردا وبلىسى اۋماعىندا قىزمەت كورسەتەتىن بولادى.

بۇگىن ول سۇلۋتوبە ءوڭىرىنىڭ جۇرتشىلىعىن تەگىن مەديتسينالىق كومەكپەن قامتىدى. ال سوڭعى كۇنى - 29- قازاندا شورناق ستانساسىندا قىزمەت كورسەتەتىن بولادى. بۇل تۋرالى وبلىستىق ت ج د باسپا ءسوز قىزمەتىنەن حابارلادى.

بۇگىنگە دەيىن دارىگەر ماماندارعا قىزىلوردا وبلىسىنىڭ 1000 نان اسا اۋىلدىقتارى جۇگىنگەن.

پويىزدا 24 دارىگەر، 6 مەدبيكە، ءۇش مەدستاتيست، ءبىر مەديتسينالىق قۇرالداردى جابدىقتاۋ بويىنشا وپەراتور، ءبىر مەديتسينالىق تىركەۋشى، ءۇش سانيتار قىزمەت اتقارادى. پويىزدىڭ مەديتسينالىق توپ قۇرامىندا ءبىرىنشى جانە جوعارعى ساناتتاعى بىلىكتى ماماندار - تەراپيەۆت، پەدياتر، نيەۆروپاتولوگ، كوز دارىگەرى، لور، گينەكولوگ، حيرۋرگ، ۋرولوگ، ماممولوگ، پروكتولوگ، ۋدز دارىگەرى، ەندوسكوپشى، پەدياتر، رەنتگەنشى، ءتىس دارىگەرلەرى بار.

اۆتور: ەلۋباي اۋەزوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى