الماتىدا كولىكتەرگە وق اتقاندار ىزدەستىرىلىپ جاتىر

اتىس 14- قازان كۇنى الماتىداعى «اقساي» ىقشام اۋدانىنداعى ۇيلەردىڭ ءبىرىنىڭ اۋلاسىندا بولدى. ۆاندالدار اتىس قارۋىنان وق اتىپ، تۇراققا قويىلعان اۆتوكولىكتەرگە زاقىم كەلتىرگەن.

قالالىق دەپارتامەنت ماماندارى كۇدىكتىلەردىڭ ءبارىنىڭ كىم ەكەنى انىقتالعانىن حابارلادى. «بۇزاقىلىق» بابى بويىنشا قىلمىستىق ءىس قوزعالدى. «وقيعاعا قاتىسۋشىلاردى ۇستاۋ شارالارى قولعا الىندى. سونىمەن بىرگە، وقيعانىڭ سەبەپتەرى مەن ءمان-جايى انىقتالىپ جاتىر»، - دەپ حابارلادى پوليتسيا وكىلدەرى.

بۇعان دەيىن الماتىدا ۇيلەنۋ تويى كەزىندە وق اتىلعان ەدى. Land Cruiser 100 اۆتوكولىگىمەن كەتىپ بارا جاتقان توي كورتەجى مۇشەلەرىنىڭ ءبىرى اسپانعا جەتى رەت وق اتتى. كۇدىكتىنىڭ كىم ەكەنى بىردەن انىقتالىپ، ول سوتقا شاقىرتىلدى. ول «ەلدى مەكەندە وق اتۋ» جانە «ۇساق بۇزاقىلىق» باپتارى بويىنشا جازالاندى. «زاڭ بۇزۋشىلىعى ءۇشىن 3 ا ە ك كولەمىندە ايىپپۇل سالىنىپ، 10 تاۋلىككە قامالدى، سونىمەن قاتار، قارۋى تاركىلەندى»، - دەپ حابارلادى ءى ءى د وكىلدەرى. ايتا كەتەيىك، ەر ادام ءوز اتىنا تىركەلگەن گاز تاپانشاسىنان وق اتقان، قارۋى بوس پاتروندارمەن وقتالعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى