قاراعاندىلىق حالىق اسپاپتارى وركەسترى تۇركيا قالالارىنا ساپارعا شىعادى
كەزدەسۋدە ءتۇرلى سالالارداعى ىنتىماقتاستىق ماسەلەلەرى ءسوز بولدى.
«ايماق كاسىپورىندارىنىڭ ونىمدەرى الەمنىڭ 50 دەن استام ەلىنە ەكسپورتتالادى. اعىمداعى جىلدىڭ 9- ايىنىڭ قورىتىندىسى بويىنشا سىرتقى ساۋدا اينالىمى 5,5 ميلليارد ا ق ش دوللارىنا جەتكەن، سونىڭ ىشىندە تۇركيامەن ساۋدا اينالىمى 72,4 ميلليون دوللاردى قۇرادى. وڭىردە شەتەلدىك كاپيتالدىڭ قاتىسۋىمەن 1300 دەن استام بىرلەسكەن كاسىپورىن بار، ولاردىڭ 111 ءى تۇرىك سەرىكتەستەرىنىڭ قاتىسۋمەن ءتۇرلى سالالاردى قامتيدى»، - دەپ اتاپ ءوتتى ن. ابدىبەكوۆ.
قاراعاندى وبلىسى مەن تۇركيانىڭ ەسكىشاھار پروۆينتسياسى اراسىندا سەرىكتەستىك، ءوزارا سەنىم مەن ەكىجاقتى تيىمدىلىك پرينتسيپتەرىنە نەگىزدەلگەن ىنتىماقتاستىق پەن دوستىق تۋرالى كەلىسىمگە قول قويىلدى. ايماق باسشىسى قازاقستان مەن تۇركيانىڭ «تۇركىسوي» حالىقارالىق ۇيىمىنا كىرەتىنىن، بۇل مادەني سالاداعى ىنتىماقتاستىقتا ۇلكەن مۇمكىندىكتەر اشىپ وتىرعانىن ەسكە سالدى.
«وسى ۇيىم باسشىلىعىمەن الدىن الا كەلىسىم بويىنشا حالىق كومپوزيتورى كۇيشى، دومبىراشى، شەرتپە كۇيلەر مەكتەبىنىڭ نەگىزىن سالۋشىلاردىڭ ءبىرى تاتتىمبەت قازانعاپ ۇلىنىڭ 200 جىلدىعىن اتاپ ءوتۋ اياسىندا تۇركيا قالالارىندا، سونىڭ ىشىندە ەسكى شاھاردا تاتتىمبەت اتىنداعى قازاق حالىق اسپاپتارى اكادەميالىق وركەسترىنىڭ گاسترولدىك ساپارى وتەدى دەپ جوسپارلانعان»، - دەدى وبلىس اكىمى.
ول تۇركيالىق شىعارماشىلىق ۇجىمدار دا ايگىلى كۇيشىنىڭ وتانىندا مەرەيتويىن اتاپ ءوتۋ شاراسىنا قاتىسادى دەگەن ءۇمىتىن ءبىلدىردى.
كەزدەسۋ سوڭىندا ن. ابدىبەكوۆ قۇرمەتتى مەيمانعا قاراعاندى وبلىسىنا كەلگەنى ءۇشىن العىسىن ءبىلدىرىپ، قازاقستان ايماقتارى مەن تۇركيا رەسپۋبليكاسى اراسىنداعى جان-جاقتى ىنتىماقتاستىقتىڭ دامىپ، نىعايا تۇسەتىنىنە سەنىمدى ەكەنىن ايتى.
