اكىم ورال حالىقارالىق اۋەجايىنا كۇردەلى جوندەۋ جۇرگىزۋ بارىسىمەن تانىستى - فوتو

1972- جىلى سالىنعاننان بەرى جوندەۋ كورمەگەن اۋەجايدىڭ ۇشۋ-قونۋ جولاعىن قايتا قۇرۋ ەكى كەزەڭمەن جۇرگىزىلمەك. ونىڭ ءبىرىنشىسى بيىل بىتەدى، ەكىنشى كەزەڭى الداعى جىلى جالعاسىپ، ۇشۋ-قونۋ جولاعى كەڭەيتىلىپ، ۇزارتىلماق.

ءوڭىر باسشىسىنىڭ اتاپ وتكەنىندەي، جوندەۋ جۇمىستارى تولىق بىتكەن كەزدە ورالعا كەز كەلگەن ۇشاق قونا الادى. سونىڭ ناتيجەسىندە اۋە جولدارى ارقىلى ەل ىشىندە عانا ەمەس، سونىمەن قاتار شەتەلدىك مەملەكەتتەرمەن قارىم-قاتىناس جاقسارادى. كوشپەلى كەڭەستە اكىم مەردىگەرلەرگە جاسالىپ جاتقان جۇمىستىڭ ساپالى بولۋى كەرەكتىگىن ەسكەرتتى.

اۋەجايدى جوندەپ جاتقان «ك- دورستروي» ا ق قۇرىلىس كەشەنىنىڭ باسشىسى نۇربولات احمەتوۆتىڭ ايتۋىنشا، 1- قىركۇيەكتەن بەرى بەتون قۇيۋ جۇمىستارى جۇرگىزىلۋدە (ايتا كەتەيىك، بۇعان دەيىن مۇنداي تەحنولوگيا ەلىمىزدە الماتىدا عانا قولدانىلعان). بۇعان سەربيالىق كومپانيا تارتىلعان. سونىمەن قاتار رەسەيلىك مامانداردىڭ قاتىسۋىمەن اپاتتىق-قۇتقارۋ قىزمەتىنە ارنالعان عيمارات سالىنۋدا. الماتى مەن استانادان كەلگەن مامانداردى قوسپاعاندا، ءجۇز جەرگىلىكتى تۇرعىن جۇمىسپەن قامتىلعان. قازىرگى تاڭدا ءبىرىنشى كەزەڭ جۇمىسىنىڭ 70 پايىزى اتقارىلعان، 25- قاراشاعا اياقتاۋ كوزدەلۋدە.

اۋەجايدىڭ ۇشۋ-قونۋ جولاعىن جوندەۋگە رەسپۋبليكالىق بيۋجەتتەن 6 ميللياردتان استام تەڭگە بولىنگەن.

ورال حالىقارالىق اۋەجايىنىڭ ديرەكتورى حايريتدەن رىسقاليەۆتىڭ سوزىنە قاراعاندا، جوندەۋ كەزىندە اتىراۋ قالاسى اۋەجايىمەن كەلىسىم جاسالدى. سوعان سايكەس ورالدان جولاۋشىلاردى اتىراۋ اۋەجايىنا دەيىن بارلىق جاعدايى بار اۆتوبۋستار جەتكىزۋدە. سونداي-اق باتىس قازاقستاندىقتار اقتوبە ارقىلى دا ۇشۋدا. قازىردىڭ وزىندە «ەير قازاقستان» كومپانياسى بايلانىس ورناتۋعا نيەت ءبىلدىرىپ وتىر. «ەير استانا» دا قارىم-قاتىناسىن قايتا جولعا قويادى دەگەن سەنىم بار. باسقا دا اۋە كومپانيالارىمەن كەلىسسوزدەر جۇرگىزىلەدى.

مۇنداي اۋە جولاعى ت م د ەلدەرىندە ماسكەۋدەگى ۆنۋكوۆو اۋەجايىندا عانا بار. 2015-جىلى قايتا قۇرىلىمداۋدىڭ ەكىنشى كەزەڭىندە ورال اۋەجايى تاعى ءبىر ايداي مەرزىمگە جابىلۋى مۇمكىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى