زاڭ بۇزعان شەتەلدىك جۇمىسشى ءۇشىن جۇمىس بەرۋشىنى دە جازالاۋ كەرەك - ا. راۋ
ۆيتسە-ءمينيستردىڭ ايتۋىنشا، شەتەلدىك جۇمىس كۇشىن تارتۋ باعىتىندا ءبىرقاتار پروبلەمالار بار. سونىڭ ءبىرى - شەتەلدىك ميگرانتتاردىڭ زاڭ بۇزۋى.
«بۇل رەتتە ەڭ ءبىرىنشى كەزەكتە جۇمىس بەرۋشىلەردىڭ جاۋاپكەرشىلىگى جونىندەگى ماسەلەنى دە كوتەرۋ كەرەك. سونىڭ ىشىندە سول شەتەلدىك جۇمىس كۇشىن اكەلگەندەرگە جاۋاپكەرشىلىك بولسا. ويتكەنى، ءبىز ينۆەستورلارعا بەلگىلى ءبىر ۋاقىت ارالىعىنا شەتەلدەردەن جۇمىس كۇشىن اكەلۋگە مۇمكىندىك بەرىپ وتىرمىز. ەندەشە، ولار دا بارلىق ماسەلەلەرگە جاۋاپ بەرۋلەرى كەرەك. ماسەلەن، شەتەلدىك جۇمىسشى زاڭ بۇزسا، ءبىز ونى ەلدەن شىعارامىز، الايدا ونى ەلگە اكەلگەن ينۆەستور سول ءۇشىن زاڭ الدىندا تولىعىمەن جاۋاپ بەرۋى كەرەك»، - دەدى البەرت راۋ.
