ن. نازاربايەۆ دىنمۇحامەد قونايەۆكە قارۋ سىيعا تارتقان - فوتو

ەكسپوزيتسيادا د. قونايەۆقا الەمنىڭ بەلگىلى مەملەكەت قايراتكەرلەرى سىيلاعان كەزدىكتەر، قانجارلار، قىلىشتار، اڭ اۋلايتىن كارابيندەر، مىلتىقتار تانىستىرىلدى.

شارانىڭ اشىلۋ سالتاناتىندا مۇراجاي ديرەكتورى تيمۋر جۇمانوۆ اتاپ وتكەندەي، ق ر پرەزيدەنتىنىڭ شەشىمىمەن بەلگىلى قايراتكەردىڭ تۋعانىنا 100 جىل تولۋىنا وراي 2012-جىلى اشىلعان د. قونايەۆ مۇراجايىنىڭ تاريحي ەكسپوناتتارى الماتىدان وسكەمەنگە جەتكىزىلدى. سەبەبى، 45 جىلعا جۋىق ۋاقىت بويى ەلىمىزدىڭ مەملەكەتتىك جانە ساياسي بيلىگىنىڭ بيىگىندە بولعان قازاقستاننىڭ مەملەكەتتىك قايراتكەرىنىڭ ەڭبەك جولى وسى شىعىس قازاقستاننان باستالعان ەدى.

كورمەگە قارۋدان باسقا د. قونايەۆتىڭ اتا-اناسى مەن وتباسىنىڭ فوتوسۋرەتتەرى قويىلدى. الماتىلىق مۇراجاي ديرەكتورىنىڭ ايتۋىنشا، دىنمۇحامەد قونايەۆ قارۋ تۇرلەرىن جيناۋمەن جانە اڭشىلىقپەن اينالىسقان. ەكسپوزيتسيادا د. قونايەۆقا ءار جىلدارى باسقا ەلدەردىڭ باسشىلارى، ارىپتەستەرى مەن دوستارى سىيعا تارتقان قارۋلاردىڭ سيرەك كەزدەسەتىن تۇرلەرى دە بار. ولاردىڭ اراسىندا فيدەل كاسترونىڭ، لەونيد برەجنيەۆتىڭ، يوسيپ بروز تيتونىڭ، ەريح حونەككەردىڭ سىيلىقتارى دا قامتىلعان. ءتىپتى، كوللەكسيادا 1982-جىلى ق ر پرەزيدەنتى ن. نازاربايەۆ قايراتكەرگە سىيعا تارتقان قارۋ دا قويىلعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى