قازاقستاندا جاقىن بەس جىلدىقتا كادر تاپشىلىعى بولجانادى
ءمينيستردىڭ سوزىنە قاراعاندا، ەڭبەك نارىعىنداعى ورتامەرزىمدىك وزگەرىستەر بولجامى جۇمىسپەن قامتۋداعى تەڭسىزدىكتىڭ ورىن الۋ مۇمكىندىگىن كورسەتىپ وتىر. «جاقىن بەس جىلدىق بويىنشا ايتساق، بۇل كەزەڭدەردە جاڭا جۇمىس كۇشىنىڭ كەلۋ قارقىنى ءبىرشاما باسەڭدەۋى ىقتيمال. بۇل نەگىزىنەن سوناۋ 1990 - جىلداردىڭ باسىنداعى تۋۋ كورسەتكىشتەرىنە، دەموگرافيالىق احۋالدىڭ قۇلدىرۋىمەن تىكەلەي بايلانىستى. بۇل رەتتە ەڭبەك نارىعىنداعى تاپشىلىق نەگىزىنەن جۇمىسسىزدار، سونىمەن بىرگە ءوزىن- ءوزى جۇمىسپەن قامتىعاندار ەسەبىنەن تولىعۋى كۇتىلەدى» ، - دەيدى تامارا دۇيسەنوۆا.
سونىمەن قاتار، ۆەدومستۆو باسشىسى بۇگىنگى تاڭدا قازاقستاندىق ءوزىن- ءوزى جۇمىسپەن قامتۋشىلاردىڭ باسىم بولىگى اۋىل شارۋاشىلىعى مەن ساۋدا سالاسىندا ەكەنىن اتاپ ءوتتى. ونىڭ سوزىنە قاراعاندا، ولاردىڭ نەگىزگى بولىگى يندۋستريالدىق كاسىپورىنداردا جۇمىس ىستەۋگە داعدىلانباعان. سوندىقتان دا مينيستر ت. دۇيسەنوۆا وتاندىق ەڭبەك رەسۋرستارىنىڭ بىلىكتىلىگىن ارتتىرۋدان، ولاردى وندىرىستىك جۇمىسقا تارتۋدان بولەك، سىرتتان، ياعني شەت ەلدەردەن جوعارى بىلىكتى ماماندار تارتۋدىڭ وزەكتى ەكەنىن اتاپ ءوتتى.
اۆتور: قانات مامەتقازى ۇلى
