قازاقستاندا ەڭبەك ەتەتىن شەتەلدىكتەردىڭ باسىم بولىگىن قىتاي ميگرانتتارى قۇرايدى

الەۋمەتتىك كەڭەس ءتورايىمى ايتكۇل ساماقوۆانىڭ ايتۋىنشا، 2014-جىلعا شەتەلدىك جۇمىس كۇشىن تارتۋ كورسەتكىشى رەسپۋبليكانىڭ ەكونوميكالىق بەلسەندى حالقىنىڭ 0,7 پايىزىنا بەلگىلەنگەن. بۇل كورسەتكىش 2013-جىلمەن سالىستىرعاندا 45 مىڭ بىرلىككە از.

«اعىمداعى 2014-جىلدىڭ 1- ماۋسىمىنداعى جاعدايعا سايكەس، جەرگىلىكتى اتقارۋشى ورگانداردىڭ رۇقساتىمەن ەلىمىزدىڭ اۋماعىندا 26 مىڭ شەتەلدىك ازامات ەڭبەك ەتتى. ولاردىڭ 17,7 مىڭى نەمەسە 70 پايىزدان استامى سۇرانىسقا يە ماماندار مەن بىلىكتى جۇمىسشىلاردى قۇراپ وتىر»، - دەدى دەپۋتات.

ونىڭ ايتۋىنا قاراعاندا، ەلىمىزگە كەلىپ جاتقان ەڭبەك ميگرانتتارىنىڭ باسىم بولىگىن قىتاي (22,6 پايىز) مەن تۇركيا (20,7 پايىز) ەلدەرىنىڭ ازاماتتارى قۇراپ وتىر. «تارتىلاتىن شەتەلدىك جۇمىس كۇشىنىڭ جارتىسىنا جۋىعى قۇرىلىس سالاسىندا ەڭبەك ەتەدى»، - دەدى ا. ساماقوۆا.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى