گرەكيادان ساكەن سەيفۋلليننىڭ ەڭبەكتەرى تابىلدى

«بىردە الماتىداعى مۇراعاتقا بارىپ «ساكەننىڭ قانداي ماتەريالدارى بار؟ » دەپ سۇرادىم. سويتسەم، وندا س. سەيفۋللين حالىق كوميسسارى بولعان كەزدەگى بارلىق قۇجاتتار ساقتالىپتى. ول اشىلماعان، ەشكىم زەرتتەمەگەن دە. سەيدىل تالجانوۆ، مۇحتار اۋەزوۆ، ءىلياس ەسەنبەرليندەر عانا قاراپ شىعىپتى. وسىدان كەيىن ورىنبورعا بارسام، ول جاقتا دا ساكەنگە قاتىستى قۇجاتتار تولىپ تۇر. جينالعان قۇجاتتار نەگىزىندە ورىس تىلىندە «ساكەن سەيفۋللين - پرەدسەداتەل نارودنىح كوميسساروۆ كازاحستانا (گ. ورەنبۋرگ، 1922-1924 گگ. ) » دەگەن كىتاپتى 2-3-ايدىڭ ىشىندە جازىپ شىقتىم. ونى قازاقشا دا جازىپ شىعار ەدىم، ءبىراق نەگىزگى ماتەريالدار، حالىق كوميسسارياتىنىڭ بارلىق قۇجاتتارى، لەنينمەن جازىسقان حاتتارى ورىس تىلىندە جازىلعان» ، - دەدى م. اپسەمەتوۆ.

ونىڭ ايتۋىنشا، گرەكيانىڭ ۇلتتىق مۇراعاتىنان دا س. سەيفۋلليننىڭ 30- جىلدارى لاتىن قارپىمەن جازعان ماتەريالدارى تابىلعان.

«ماسەلەن، سوعىس جىلدارى مۇستافا شوقاي پولشادا «پرومەتەي» دەگەن جۋرنال شىعارعان. وسى جۋرنالدىڭ ەڭ العاشقى نومىرلەرى ساكەننىڭ ولەڭدەرىمەن باستالادى. مىنە، وسى باسىلىمدار الداعى ۋاقىتتا قازاق تىلىندە اۋدارىلىپ، جارىق كورەتىنىنە سەنەمىن» ، - دەدى ول.

سونداي- اق كىتاپ اۆتورى 1922 -جىلى ورىنبور قالاسى زاۋىت، كوپىر سالۋعا حالىق كوميسسارياتىنان قارجى سۇراعانىن، الايدا س. سەيفۋللين ەڭ ءبىرىنشى كەزەكتە قارجىنى قوجا احمەت ياسساۋي كەسەنەسىن جوندەۋگە بولدىرگەنىن اتاپ ءوتتى.

«جالپى، س. سەيفۋلليننىڭ ەڭبەكتەرىن ەكونوميكادان، قۇقىقتانۋدان سالا- سالاعا ءبولىپ، كىتاپ قىلىپ شىعارۋعا بولادى» ، - دەپ تۇيىندەدى ق ر ۇلتتىق مۇراعاتىنىڭ باسشىسى.

 اۆتور: مارلان جيەمباي 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى