بەس كۇن بۇرىن جوعالعان بالا ءالى تابىلعان جوق
پوليتسياعا كەلىپ تۇسكەن بارلىق اقپارات ءجىتى تەكسەرىلۋدە.
قالانىڭ ءار جەرىنەن تەمىرلانعا ۇقساس بالانى كورگەندەر تابىلعان. الايدا، ول اقپاراتتاردىڭ ەشقايسى راستالمادى. بۇگىن قالا ماڭىنداعى ساياجاي اۋماقتارىن تىكۇشاقپەن تەكسەرىپ شىقتى. وبلىستىڭ بارلىق اۋداندارىندا جاپپاي ىزدەۋ ءجۇرىپ جاتىر.
5 جاسار تەمىرلان 10 - قازان كۇنى ەسىك الدىنا ويناۋعا شىعىپ، سودان ءىز- ءتۇزسىز كەتكەن ەدى. پوليتسيا بالانىڭ جوعالۋ سەبەبىنە قاتىستى ناقتى اقپاراتتىڭ جوقتىعىن ايتادى. جەتكىنشەكتىڭ اتا- اناسى بولسا، كوپشىلىكتىڭ كومەگىنە ريزاشىلىقتارىن جەتكىزدى.
نۇرلىباي بارتايەۆ، تەمىرلاننىڭ اكەسى:
- حالىققا راحمەت، وسى اقتوبەنىڭ ستۋدەنتتەر، ءبارى ەرىكتىلەر ىزدەپ جاتىر، سۋرەتىن جاپسىرىپ، قولدارىنان كەلگەندەرىن جاساپ جاتىر عوي. ءتىپتى، تاكسي جۇرگىزۋشىلەر كەلىپ، قانداي كومەك كەرەك دەپ، كولىك كەرەك پە دەپ سۇراپ جاتىر. بارىنە راحمەت. ەندى ۇشتى- كۇيلى جوق. ويلايمىن بىرەۋ- مىرەۋ سالىپ الىپ كەتتى مە دەپ، باسقا نە ويلايمىن.
«حابار» ارناسى
