جامبىلدىق ازامات قىتاي اسحاناسىنا كەسىرتكە ساتپاق بولعانى ءۇشىن سوتتالاتىن بولدى
2014 - جىلعى مامىردا ا. ك سۇيىپبەرگەنوۆ جامبىل وبلىسىنىڭ قورداي كەنتىنەن 15 شاقىرىم جەردە ورنالاسقان تاۋ بەتكەيىندەگى شوپتەر اراسىنان كەسىرتكە جىلاندى بايقاعان. ونىڭ ويىنا بىردەن كەسىرتكە جىلاندى اۋلاپ، ونى ساتۋ كەلەدى.
ول بۇدان بۇرىن سەمەي قالاسىنداعى قىتايلىق ۇلتتىق اسحاناعا جىلاندى 8 مىڭ تەڭگەدەن وتكىزۋگە بولاتىنىن ەستىگەن. 3 كەسىرتكەنى اۋلاعان سۇيىپبەرگەنوۆ جولاۋشىلار پويىزىمەن سەمەيگە اتتاندى، الايدا الماتى وبلىسىنىڭ ۇشتوبە ستانساسىندا قۇجاتتاردى تەكسەرۋ بارىسىندا ونى كولىك پوليتسياسى قىزمەتكەرلەرى ۇستايدى.
ساراپشىلاردىڭ قورىتىندىسىنا سايكەس سۇيىپبەرگەنوۆتەن تاركىلەنگەن جىلان قازاقستاننىڭ قىزىل كىتابىنا ەنگىزىلگەن، قۇرىپ كەتۋ قاۋپى بار ۇرشىقساپ تۇقىمداس اياقسىز كەسىرتكە - سارى جىلان بولىپ شىقتى.
مەملەكەتتىڭ ەرەكشە قامقورلىعىنا الىنعان كەسىرتكە جىلاننىڭ بۇل ءتۇرىن الماتى وبلىسى بويىنشا ورمان جانە اڭشىلىق شارۋاشىلىعى كوميتەتىنىڭ (بۇدان ءارى - كوميتەت) ينسپەكسيا قىزمەتكەرى س. ا. بايجۇمانوۆ تا سوت وتىرىسى بارىسىندا راستادى.
سۇيىپبەرگەنوۆ ءوز كىناسىن تولىقتاي مويىندادى. سونىمەن بىرگە كوميتەتكە كەلتىرىلگەن شىعىننىڭ ورنىن تولتىردى.
سوت قاۋلىسىنا سايكەس كەسىرتكە الماتى زوولوگيالىق ساياباعىنا تاپسىرىلدى.
ا. سۇيىپبەرگەنوۆ ق ر ق ك 290-بابى بويىنشا قىلمىس جاساعانى ءۇشىن ايىپتى دەپ تانىلدى، مەدياتسيا شەڭبەرىندە قىلمىستىق ءىس تاتۋلاسۋعا بايلانىستى ق ر ق ك 67-بابىنىڭ 4-بولىگى بويىنشا توقتاتىلدى. سوت قاۋلىسى زاڭدى كۇشىنە ەندى.
