فۋتبولدان الەم چەمپيوناتى كاتاردا وتپەۋى مۇمكىن
L'Equipe گازەتىنىڭ جازۋىنشا 2022 - جىلعى الەم چەمپيوناتىن وتكىزۋ قۇقىعى كاتاردان اۋىسۋى مۇمكىن.
باسىلىمنىڭ جازۋىنشا سوڭعى تەكسەرۋ جۇمىستارى 2018 جانە 2022 - جىلدارى وتەتىن الەم چەمپيوناتتارىنىڭ قوجايىنىن انىقتاۋدا جەمقورلىق ءىس- ارەكەتتەرگە جول بەرىلگەن.ءتۇرلى سەبەپتەرگە بايلانىستى تەكسەرۋ جۇمىستارىنىڭ ناتيجەسى ءالى جارىققا شىقپاعان. ەگەر جەمقورلىق ءىس- ارەكەتتەر انىقتالىپ، اشكەرە بولاتىن بولسا، كاتار 2022 - جىلى وتەتىن الەم چەمپيوناتىن وتكىزۋ قۇقىعىنان ايرىلادى.
ەستەرىڭىزگە سالا كەتسەك، بۇدان بۇرىن FIFA- نىڭ كەزەكتى وتىرىسىندا 2022 - جىلعى الەم چەمپيوناتى كاتاردا وتەدى دەپ شەشىلگەن بولاتىن. كاتارمەن بىرگە باسەكەگە تۇسكەن الپاۋىت ا ق ش- تىڭ ءوزى مۇنداي مۇمكىندىكتى جىبەرىپ العان ەدى. بريتاندىق ب ا ق وكىلدەرى FIFA- نىڭ ءبىر وكىلى 2022 - جىلى وتەتىن الەم چەمپيوناتىنىڭ قوجايىنىن انىقتاۋ بارىسىندا ەكى ميلليون دوللار كولەمىندە پارا الدى دەپ كىنالاعان بولاتىن. بۇل اقپارات نەگىزىندە ارنايى تەكسەرۋ توبى قۇرىلىپ، ءوز جۇمىسىنا كىرىسكەن بولتىن.
Massaget.kz
