كولىك قۇرالىن باسقارۋعا سەنىمحات جويىلادى
ۇلتتىق ەكونوميكا ۆيتسە- ءمينيسترى قايىربەك وسكەنبايەۆتىڭ ايتۋىنشا، مەملەكەت رولىن شەكتەۋ جانە نارىقتىڭ ءوزىن- ءوزى رەتتەۋىن دامىتۋ ءۇشىن كاسىپكەرلەرگە قاتىستى تەكسەرۋلەردى ۇيىمداستىرۋ جانە جۇرگىزۋ تاسىلدەرى قايتا قارالماق. بۇل رەتتە جەكە سالالاردا، اتاپ ايتقاندا سانيتاريالىق- ەپيدەميولوگيالىق قاداعالاۋ، ءورت قاۋىپسىزدىگى، سالىقتىق اكىمشىلەندىرۋ سالالارىندا تەكسەرۋلەرگە بالاما رەتىندە كامەرالدىق باقىلاۋ، اۋديت نەمەسە ساقتاندىرۋ شارالارى ەنگىزىلەدى.
«جەكە كاسىپكەرلىك سۋبەكتىلەرىن تاراتۋ ءراسىمى ايتارلىقتاي وڭايلاتىلادى، سوسىن قۇرىلىسقا رۇقسات الۋ كەزىندەگى راسىمدەردىڭ مەرزىمى جانە سانى قىسقارادى. بۇدان بولەك، جەر پايدالانۋ سالاسىندا جەرلەردى نىسانالى ماقساتتا پايدالانۋ تۇرلەرىنىڭ جىكتەۋىشى تولىعىمەن جويىلىپ، ەلدى مەكەندەر ءۇشىن جەر ۋچاسكەلەرىنىڭ فۋنكتسيونالدىق نىساناسىنىڭ 3 ۇلگىسى ەنگىزىلەدى، ولار: تۇرعىن ءۇي، الەۋمەتتىك جانە كوممەرتسيالىق» ، - دەدى ق. وسكەنبايەۆ.
ونىڭ سوزىنە قاراعاندا، مەملەكەتتىك ورگاندارمەن ءوزارا ءىس- قيمىل جاساۋدا ازاماتتاردىڭ نەگىزسىز شىعىندارىن جويۋ ماقساتىندا قۇجاتتار كوشىرمەلەرىن مىندەتتى نوتاريالدى كۋالاندىرۋ، كوممەرتسيالىق ماقساتتا پايدالانىلمايتىن، پايدالانۋ مەرزىمى 7 جىلدان اسپايتىن جەكە اۆتوكولىككە تەحنيكالىق بايقاۋ، سونداي- اق كولىك قۇرالىن باسقارۋعا سەنىمحات جويىلادى.
تۇتاستاي العاندا، زاڭ جوباسىندا قارالعان ءىس- شارالاردى ىسكە اسىرۋ رەسپۋبليكادا كاسىپكەرلىكتىڭ دامۋىنا، كاسىپكەرلىك سەكتورداعى ءوندىرىستىڭ جيىنتىق كولەمىنىڭ ءوسۋى ەسەبىنەن ەلدىڭ ۇلتتىق كىرىسىنىڭ وسۋىنە، تيىسىنشە جۇمىسسىزدىقتىڭ قىسقارۋىنا جانە وزگە دە وڭ الەۋمەتتىك- ەكونوميكالىق سالدارعا ىقپال ەتەتىن بولادى.
اۆتور: قانات مامەتقازى ۇلى
